Талаптан – Төлеген Құмарұлы

Өтемін десең сараптан,
Оянып жастар талаптан.
Талап тумас салақтан,
Жұрдай болма мұраттан.
Əдеп, мұрал, ұяттан,
Қар жауғызбай қабақтан,
Аулақ болсаң арақтан.
Досыңды алмай тамақтан,
Жақсыны алмай балақтан,
Істеуге еңбек талаптан.
Еңбек білім таратқан,
Бар əлемді өзіне,
Өнер-білім қаратқан.
Білім жолы жіңішке,
Тырнаштап жыи тарақтан.
Дəн толады сабақтан,
Балық өсер шабақтан,
Қарын тояр қалақтан.
Ирадаңды мықтасаң,
Құйғандайын болаттан.
Нұр жауады талаптан,
Білім деген шырақтан.
Сусындауың керек қой,
Ғылым атты бұлақтан.
Білім алған адамға,
Бақытың нұрлы таңы атқан.