Өлең, жыр, ақындар

∞ (Жұбаныш іздеп қайтады құстар)

  • admin
  • 06.02.2024
  • 0
  • 0
  • 425
Жұбаныш іздеп қайтады құстар,
жанына батып қай қайғы?
Ештеңе ұқпас жеңілтек жел кеп,
жапырақпенен ойнайды.
Сары бауыр дала бүк түсіп жатыр,
жазын қия алмай басқаға.
Уақыт дегенің мөлт ете түскен,
сұмдайрықтағы жас қана.

Жанымды қарып қып-қызыл сөзбен,
балконда ұзақ ой шектім.
Бізге де мүмкін қайту керек пе,
жаныңды ұқпай қойса ешкім.

Бәріне өзі кінәлі жандай,
аулада отыр Күз үнсіз.
...Ылғи да маған тесіле қарап
тұрады бір көз
- Сіз кімсіз?!

Құстар-ау, құстар...
Мен де сендердей,
қайтуым үшін келіп пе ем?
Тым ұза-а-қ болып көрінеді осы,
бұл өмір маған неліктен?

Көңілге уақыт жамау болмасын,
кеш сездік, неге кеш білдік?
Тіршілік дегенің – қайту екен ғой,
қайтудың мәні – ∞ !



Пікірлер (0)

Пікір қалдырыңыз

Түнгі мұң

  • 0
  • 0

Еңсемді ылғи басады осы түн неге?
Шер дегенің жеңіл емес кімге де.
Түсінем ғой жалғыздығын жаныңның,
Үндемеші, үндеме.

Толық

Сұраймын

  • 1
  • 1

Аспан бүгiн қабағын ашпады бiр.
Сiз жайлы ойдың қоса алмай бастарын кiл,
Кештi тағы батырдым... Жаңбырдан соң
Жанарынан шықты ысырып тастады гүл.

Толық

Жазғы элегия

  • 0
  • 0

Гүлдер-ау, жаз жұбатқан жаныңды ертең,
Мұңайтып үлгерер Күз.
Бояуы оңған тірлікті кешпегенше,
Біз де оны білмегенбіз.

Толық

Қарап көріңіз

Басқа да жазбалар