Өлең, жыр, ақындар

Сізге

  • admin
  • 06.02.2024
  • 0
  • 0
  • 535
Бір көруге қандай амал табамын,
Бір көруге зәру Сізді жанарым...
Менің ішкі сезімімдей аспан да,
Ашпай қойды-ау қабағын...

Енді ешкімді жылатпаймын деген ем,
Енді ешкімді ұнатпаймын демегем.
...Сіз бақытты ғұмыр кешу үшін де
Мен бәріне көнер ем...

Сізді көрмей қалай жазғам ғазалды,
Сізді көріп жан дүнием тазарды.
Бір ұққаным - Сізді ұнату арқылы,
Жақсы көріп кеттім барша адамды.

Бұрын Өмір бұлай десе сенбес ем..
(Тағдырыңа кетпесінші енді есең)
Жанарыңды жарыңнан да қажыған.
Көрмесем ғой, Көрмесем...

Жүрегімді шын бақытты қылатын,
Маңдайымның күтпеймін еш мұратын.
Мендегі тек бейкүнә бір сезім ғой -
Өз ішінен тынатын.

Өз-өзімді келер күнге сендірем,
Енді бәрін Сабырыма жеңдірем.
Қоңыр жел-ау, сүртпей-ақ қой жасымды,
Жыламаймын енді мен..



Пікірлер (0)

Пікір қалдырыңыз

Кешікпей Астанаға күз келеді

  • 0
  • 0

Кешікпей Астанаға күз келеді,
Мен – бақытты, мені бақ іздемеді...
Қайыңды сүйе тұрып, жерді құшқан,
Жапырақ сияқтысыз Сіз де енді...

Толық

Жазғы элегия

  • 0
  • 0

Гүлдер-ау, жаз жұбатқан жаныңды ертең,
Мұңайтып үлгерер Күз.
Бояуы оңған тірлікті кешпегенше,
Біз де оны білмегенбіз.

Толық

Реплика

  • 0
  • 0

Өзімді іздеп жүргенде өткен де, кеткен,
Құнын білмеген шақтарым кешсін бе мені?
Бір мекен тауып, көз түгіл көңіл жетпейтін,
Әйтеуір, кеткім келеді.

Толық

Қарап көріңіз