Асыл жандар

Асылым, асқар таудай дара тұлғаң.
Адамның алғысынан жаратылған.
Жүресің барлық елдің қамын ойлап,
Түскендей аққу құстың қанатынан.

Шарқ ұрып күндіз-түні адам үшін,
Жүгірген кең даланың самалысың.
Тұратын кеуделерге сәуле құйып,
Осынау дүниенің ажарысың.

Күтеді барлық адам жаны қалмай,
Жарқ етіп бір көрінсең сауығардай.
Емдейтін жүрегінің жарығымен
Бар екен сенен артық дәрі қандай?!

---