Майдан түні

Аспаны күн батыстың қызыл шатыр,
Аңғарып от ұялап алып жатыр.
Жан-жақтан ракета жарқылдайды,
Дегендей окобыңда қалма қапыл.
Күрілдеп көкірегі оққа тұнып,
Аспанда алаулаған ай тұтылып,
Өрт шашып, ұшқын атып өтіп жатыр
Үстіңнен доп зуылдап, ажал ұлып.
Сол түнде оқтан ұшқыр, оттан ыссы,
Жүректе бір керемет жатты күшті.
Туған ел тілегінен сауыт кидім,
Айқаста жаудың күлі аспанға ұшты.
1942. Волхов майданы

---