Қателестім – Ардақ Оспанұлы

Өтем деп сынақтардан көп терледі,
Өмірде қиындықты кім көрмеді.
Жеңіл ойлап алданған қайран басым ,
Шайқалып , не дүние төңкермеді.

Таңдалған тек бір жанға ағыс кетті,
Бұл сезімнің , бастауы алыс кетті.
Байқадым жеткен соң жетеріне ,
Бір шындық , бұл жүрегім шалыс кетті.

Кетерде " эх" деп , бір сілкініп кете алмай ,
Жалғастырып аяғына жете алмай .
Томен түсіп , тек оны биіктетіп,
Жүрмін енді өзімді көтере алмай.

Ата- ана тәрбиесі , көрінеді баласынан ,
Ағын судың тазалығы білінеді сағасынан.
Сұлумын деп шерменген , ақылсыз қыз,
Опық жиді , шалынып санасынан.

Әлем емес , ұяламын бір шешемнен ,
Айтып алып бәрін де бас кезеңнен.
Қайда деймін сұраса қуанып кеп ,
Кәне келін шәй құйатын бар кесеңнен.