Ақын, сазгер Кәкімбек – Мұзафар Әлімбаев

Сайратып домбырасын кішкентайдан
Ән-күйді мейірлене құшқан тойдан.
Біржан сал, Ақан сері, Ыбырай әнін,
Жаттаған аспандата ұшқан бойдан.

Қайырмасы:
Таланты шалқыма,
Нық-берік салтына.
Сері ақын сал сазгер,
Кәкімбек шарқ ұрар.
Шабытты шағында,
Талаптың таңында
Сәуледей жарқырар,
Жаршыдай саңқылдар.
Ән-жырдан қуаныш
Сыйласын халқына.

Өмірден өнегелі көргені мол,
Халқынан қасиетті тергені мол.
Еліне адал бала бола білген
Әрқашан аз санайды бергенін ол.

Қайырмасы

Шығарған әуелетіп атын көкке,
Бұл күнде ақын көп пе, әкім көп пе?!
Заулатқан Жезкиігін сахарада
Жетіп ал ақын болсаң Кәкімбекке.

Қайырмасы