Алтын Сәуле – Ғабит Тұрсынбай

Алтын Сәуле Астананың төрінде,
Жарқ етті де шуақ құйды көңілге.
Арайлаған Арқадағы ақ таңда
Құштарлығым арта берді өмірге.

Қайырмасы:
Алтын Сәуле, жан арман,
Елітесің, ертесің.
Күн нұрынан жаралған,
Көркем сұлу еркесің.

Салқын едім, сабырлы едім, сергідім.
Келші Сәулем, қол ұстасып ер күнім.
Есіл бізді толқынымен тербесін,
Нұрға бөле Астананың әр түнін.

Қайырмасы

Күн өмірдің бастау берген анасы,
Алтын Сәуле күннің әсем баласы.
Сарыарқаға шырай берсе Астана,
Көркі сенсің Астананың қарашы.

Қайырмасы