Ай, сәулем

Күлкіңнен маржан тамшылағандай,
Көзіңе қайтіп жан шыдағандай.
Оятып ойды ұйқыда жатқан,
Бір өткір сезім қамшылағандай.

Қайырмасы:
Ай, сәулем!
Тілекті берші сұратпай ғана,
Кетейін еріп сынаптай ғана.

Төгілген шашың қара көмірдей,
Қиылған қасың ғажап өмірдей.
Кіршіксіз әлем қайда бар екен
Сендегі сәби таза көңілдей.

Қайырмасы

Тектілік сенде хан қызындағы,
Тәттілік сенде бал қымыздағы.
Нәп-нәзік гүлдей жаныңның сәулем,
Шалмасын суық желдің ызғары.

Қайырмасы

---