Алаштың асыл ұлдары – Болат Үсенбеков

Көміліп шаңға шаттығың,
Тірліктің татып ащы уын.
Шырқай да алмай «Гәккуін».
Арманда кеткен аққуым.

Қайырмасы:
Алаштың басын құраған,
– Елім, – деп өксіп жылаған.
Міржақып, Мағжан, Ахмет,
Әлихан атты ғұламам.

Ағалар қайран ардағым,
Шайнаумен өткен бармағын.
Қайыспас қара нарларым,
Қолдасын бізді аруағың.

Әрқайсысың жеке шыңсыңдар,
Қапыда кеткен қыршындар.
Аялап өтер арысын,
Артыңда қалың жұртың бар.

Қайырмасы

Алатау сынды тұлғалы,
Алаштың асыл ұлдары.
Шіріп те түсті мойныңнан,
Бодандық, бұғау шырмауы.

Қайырмасы