Өлең, жыр, ақындар

Вальс

  • admin
  • 07.09.2024
  • 0
  • 0
  • 438
Басталды вальс, баяу ән,
Биледік сонда шыр айналып.
Бақытым шығар таяған.
Жанарға жанар байланып...
Сол сәтте жер де, әуе де –
Дүние кетті дөңгелеп.
Дәру бола алмас дәнеме,
Би ғана мені емдемек.
Тербеліп жүрмін шаттанып,
Керемет вальс ырғақты.
Алғаусыз көңілін ақтарып,
Тағдырым маған тіл қатты.
Балтатып тұрды кермегім,
Жұп болса, болсын тек мендей.
Өзгені мүлде көрмедім,
Өзге әлемге еніп кеткендей.
Өмірдің білдім әр қырын,
Жайдарлы екен ол, жаны ізгі.
Мен емес, маған тағдырым,
Талпынып тұрған тәрізді.
Дертіңнің тапсаң дауасын,
Қайтесің оған шағынып.
... Тағдырдың аппақ жағасы,
Далабым қалды жағылып.



Пікірлер (0)

Пікір қалдырыңыз

Кеше отырған күміс зерлі күймемде

  • 0
  • 0

Кеше отырған күміс зерлі күймемде,
Көңілсіздің күйін кешкен бір мен бе?!
Бегімайдың жырын айтып қайтейін,
Сағыныш Намазшамова

Толық

Отбасым – шағын жұмағым

  • 0
  • 0

Отбасым – шағын жұмағым
Ұстап жүрсем де үйде мен,
Күйкі тірліктің құлағын.
Сағыныш Намазшамова

Толық

Сен жанымда жүргенде

  • 0
  • 0

Сен жанымда жүргенде
Өмір маған өлшеусіз көрінетін.
Тоқ кезім от сезімге семіретін.
Сағыныш Намазшамова

Толық

Қарап көріңіз