Өлең, жыр, ақындар

Құстар – достар

  • admin
  • 12.09.2024
  • 0
  • 0
  • 338
Орманға біз келіп енгенде,
Көре сап іздерді алыстан.
«Шық! Шық! Шық! Шық! Шық!», – деп сендерге
«Дұшпан!» – деп, ескертті сауысқан.
Құс достар!
Сауысқан жаңылды.
Сауысқан сөзіне ермеңдер!
Біз құрмет тұтамыз бәріңді,
Ешқашан бізді жау көрмеңдер!
Жаз бойы жұмысқа жегіліп,
Жүрдіңдер бір тынбай құрт қағып.
Зиянкеш жаулардан
Егінді,
Орманды қалдыңдар құтқарып.
Жатқанда жер бетін қар басып,
Құс достар қалмасын қиналып.
Жүрмесін жем таппай, қарны ашып, –
Деп жедел жеттік біз жиналып.
Сескенбей айнала қоныңдар,
Міне – жем,
Шашамыз,
Теріңдер!
Ашықпай, аман-сау болыңдар,
Жайқалсын ормандар, егіндер.



Пікірлер (0)

Пікір қалдырыңыз

Өнерлі балалар

  • 0
  • 0

Қанат, Марат екеуі
Қамшы өре алады.
Таңат, Талап екеуі
Тамаша ән салады.

Толық

Аққала

  • 0
  • 0

Аққала - Сұлтан Қалиев
Қар жауғанда
Топ бала
Соқтық келiп

Толық

Бекер кекеп жүрміз бе...

  • 0
  • 0

Бекер кекеп жүрміз бе...
Көкек десе безілдеп,
Мұнысына көкектің
Сұлтан Қалиев

Толық

Қарап көріңіз