Өлең, жыр, ақындар

Көкшетау – әсем ән қала

  • admin
  • 24.11.2024
  • 0
  • 0
  • 470
Көкшетау – асыл қала Арқадағы,
Жыр толқып, ауасынан ән тамады.
Аққу-қаз саңқыл қақса көл шетінде,
Көрген жан «Гәккулетіп» қарсы алады.

Қайырмасы:

Сәулетті, сұлу сән қала,
Дәулетті, алтын дән қала.
Сал-серілер ордасы,
Көкшетау – әсем ән қала.

Оятса бау-бақшаны таң самалы,
Тотықұс тоқсан түрлі ән салады.
Көлде ән, көшеде ән – көңіл шалқып,
Адамның еске түсер аңсағаны.

Қайырмасы.

Ақ қайың тау етегін өрлей өскен,
Сәлемін жеткізеді желмен ескен
Қаракөз жарқ етердей елеңдеймін,
Базарын балалықтың бірге кешкен.

Қайырмасы.

Келбетін көзге оралтса сылқым елес,
Түзелер аққу-қазбен біздің кеңес.
Бірауық тыңдай қалсаң айналаны,
Бір ауыз ән салмауың мүмкін емес.

Қайырмасы.



Пікірлер (0)

Пікір қалдырыңыз

Пианино сөйлеп кетті қазақша

  • 0
  • 0

Күйсандықтың кереметі Гауһарды
Тыңдаған жан сиқырлы үнге тамсанды.
Нұрғисаша шалқып, толқып, тебіреніп,
Әр дыбысқа қанат байлап жан салды.

Толық

Көрмей жүріп сүйгендер

  • 0
  • 0

Көкірегіңе көп қуаныш түйіпсің,
Ашылу аз, жабығу көп тұйықсың.
Тірліктегі бір ғажайып сол шығар,
Көрмей жүріп, көргендей боп сүйіпсің.

Толық

Көкшетау, саған құмармын

  • 0
  • 0

Көкшетау, саған құмармын
Көгілдір мұнар жамылған,
Жаралған көк ніл ағыннан,
Кәкімбек Салықов

Толық

Қарап көріңіз