Әжеге арнау – Гүлмекен Қасенбай

            Әжеге арнау

Ақ әжем желбіреген кимешегі,
Елжіреп, айырықша сүйген мені.
Өзгелер еліктесе сәнгерлерге,
Немерең бір өзіңе еліктейді.

Кидім де сіз секілді ақ кимешек,
Таратып жүрмін елге мейірім тек.
Әжетай намазымда сіздерге арнап,
Сұраймын Жаратқаннан дұға-тілек!

Ақ әжем, асыл әжем, күлімдеген,
Жүрегім жылынады үніңменен.
Мен сізден адамдықтың шыңын көрем,
Мен сізден шын иманның нұрын көрем.

Құтты боп алтын әжем сексен жасың,
Қадірлі бола берсін ғазиз басың.
Айтылған ақ тіктер қайтарылмай,
Қабыл болсын қасында Жаратқанның!

Екі әжем жасай берсін екі жақта,
Үнемі біздерге арнап берген бата.
Бір атам Фирдаустың тұрғыны боп,
Аман-сау жүре берсін екінші атам.

Мен қатты жақсы көрем бәріңізді,
Жасты да,  үлкенді де,  кәріңізді.
Үнемі қуаныш боп үйіңізде,
Жақсылық нұрландырсын жаныңызды!

Гүлмекен Қасенбай
15.07.2023