Өлең, жыр, ақындар

Аға сыры

  • admin
  • 17.12.2024
  • 0
  • 0
  • 449
(Кенжебек Күмісбековке)

...Жасымнан жан сарайым алаулаған,
Көлдері Қорғалжынның жалау маған.
Шоқ қайың, күрең жартас жарқ еткенде,
Елестеп кетті талай қалаулы адам.
Көңілдің көзін ашып сымбаттаған,
Туған жер, әр дыбысың қымбат маған.
Кезім жоқ сайда бұлбұл сайрағанда,
Рәбиға ән салғандай тіл қатпаған.
Сары бел, күміс көлдер бар айналам,
Айыртау көз тартады шарайнадан.
Үкілі Ыбырай мен келе жатқан
Ілияс күйші ме деп қарай қалам.
Әндетіп, Балуан Шолақ серіменен
Қосылып кербез дала желіменен,
Алыстан Дәулет күйші аңыратты
Қобызы бозінгендей еңіреген...
Жүргенде елден жырақ елең-алаң,
Тыңдауға шын толғанып келді шамам.
Осының бәрін маған айтып еді
Композитор Кенжебек деген ағам.

1999



Пікірлер (0)

Пікір қалдырыңыз

Тіршіліктің шаттығы

  • 0
  • 0

Тіршіліктің шаттығы
Жан едік «сүйдім» деген сөзге берік,
Ұл туса, ұрпақ өсті көз кенеліп.
Кәкімбек Салықов

Толық

«Болыс болдым, – деп еді

  • 0
  • 0

«Болыс болдым, – деп еді, –
Бар малымды шығындап».
Абайдың сөзі келеді,
Өсу жоқ бермей тығындап.

Толық

Хасен аға айтқан сыр

  • 0
  • 0

Елім деп тынбай еңіреген,
Едіге сынды ер деген;
Паш етіп сізді, Фазеке,
Телегей­теңіз тебіренем.

Толық