Өлең, жыр, ақындар

Есіл мен Көкше – егіз ел

  • admin
  • 18.12.2024
  • 0
  • 0
  • 140
Ерке Есіл, кербез Көкше – әлімсақтан
Егіз ел қоныс тапқан бір құшақтан.
Қыз беріп, қыз алысқан ағайын ел,
Абылай, Кенесары дәм-тұз татқан.
Жайласақ Есіл өзен алты алқасын,
Шырқадық Сегіз сері «Гауһартасын».
Құлагер өліміне бірге жылап,
Екі көз бірге сүрттік аққан жасын.
Бодандық белгі орнатып бел-белеске,
Ел бөлген қай қылығы келмес еске.
Қайтадан көгілдір ту аясында
Қосылды ерке Есіл, кербез Көкше.
Арамыз неге, достым, ыдырайды,
Бәріміз қуат еттік бір Күн-Айды.
Бөлмейміз Сәбит, Ғабит, Мағжандарды,
Бөлмейміз Ақан, Біржан, Ыбырайды.
Ақ қайың, қыз-қарағай оқалымыз,
Жұлдыздай ортақ дана Шоқанымыз.
Татумыз барлық ұлттың баласымен,
Дербес ел Қазақстан – Отанымыз.
Көш бастап жаңа тілек алға бұрса,
Жөптедік болашаққа жанған нұрша.
Бірлесіп, білек қосып бірге өсейік,
Бір қазақ жер бетінде қалғанынша.

1997



Пікірлер (0)

Пікір қалдырыңыз

Жер төресі – атамекен киелім

  • 0
  • 0

Жер төресі – атамекен киелім,
Жезқазғанды дәл өзіңдей сүйемін.
Ата-баба аруағы дарыған
Кәкімбек Салықов

Толық

Тас көрсем де жүзіне елең етіп

  • 0
  • 0

Тас көрсем де жүзіне елең етіп,
Суреттеймін гүлдей пәк өлең етіп.
Бір өлеңім біткенде тағы бір ой,
Ұмтыламын соңына ере кетіп.

Толық

Қызылжарым — құмарым

  • 0
  • 0

Жарқабақта жанғандай қызыл жалын,
Байқап қалдым Есілде қызық барын.
Бала ғашық балдырған еске түсті
Кәкімбек Салықов

Толық

Қарап көріңіз