Өлең, жыр, ақындар

Бір жаңартып өтетін

  • 04.11.2021
  • 0
  • 0
  • 817
Кей қаланың аты әншіл үн берді,
Ақмоламыз Астана боп үлгерді.
Кей қалалар атын жиі өзгертіп,
Әр заманға сай боларлық күн көрді.
Ескі Ермак Ақсу болып оңалды,
Атажұртым нұры жанған өң алды.
Шетте жүріп елге жеткен секілді,
Тараздарым өз атына оралды.
Ал Павлодар мызғымай тұр шертиіп,
Сыйлық емес, «дар» дегені – шер­күйік.
Ақ патшаның бекінісі емес пе,
Намыс қозғап тұрған өңсіз мелшиіп.
Сан ойланып,
Сана мұңын кешесің,
Өтпеді ғой ұлыққа айтқан неше сын.
Мазалайды Петропавловск дегені...
Басқан кезде Қызылжардың көшесін.
Тағдыр осы өңменіңе жететін,
Әудем сәтте мәңгүрт етіп кететін.
Салт­санама сыйыспайтын аттар бар,
Кезі келді бір жаңартып өтетін.
Гәптің бәрі түпкі негіз затында,
Затын ойлар бар ғой берік хақым да.
Екі қала тұрса деймін жарқырап
Сәтбаев пен Уәлиханов атында.



Пікірлер (0)

Пікір қалдырыңыз

Қажымұратқа алғысым

  • 0
  • 0

Төлегендей мүсінші інім қасымда,
Тұрдық үнсіз Еркін аға басында.
Осы да бір есте қалар мезет­ау,
Айқын таңба біздің шеккен ғасырға.

Толық

Таңғажайып кездесу

  • 0
  • 0

Таңғажайып кездесу
Келдің бе, Қапаш Еркінмен,
Сайрандайық еркін, кең.
Кәкімбек Салықов

Толық

Туған елім, туған жерім

  • 0
  • 0

Туған елім, туған жерім
Сүйіп келсе өлкемді күн,
Көрдім кербез жер кеңдігін.
Кәкімбек Салықов

Толық

Қарап көріңіз