Ұқсаймын қансонардан оралғанға – Кәкімбек Салықов

Көп жылдар өзіңменен хабарсызбын.
Кетсең де бөктергіде алаңсызбын,
Бірақ та ақ қағазға арыз айтып,
Кей-кейде жаным ашып,
Амалсызбын.
Келемін күйімді ойлап тәубеге де,
Түспеймін салы сарсаң әуреге де.
Бірақ та бұлт сөгіліп, күн сығалап,
Жарқ еткен жалт қараймын сәулеге де.
Ақындар сыр жасырар бола алған ба?
Төрт жолды төге салар тоналғанда.
Жетіп те... жетпей жүрміз ол арманға,
Қыран тоқ қырға қайта қона алғанға.
Мен-дағы кейде ұқсап отырамын
Қан жылы қансонардан оралғанға.

1975
Жылытып жылы шуақ жанды жерін,
Ол қайтсін оралмасы оралғанда?