Пайда шығар – Құсайын Бекнұр

Ертеңіме, жалғанға бүгін сеніп,
Пайда күтіп әр жерден жүруші едік
"Ешкім саған ештеңе бермейді" деп,
Әкем маған айтушы ед шылым шегіп,

Сол сөзіне бала боп, мән бермеппін
Пайда үшін біреуге жан бермек кім?
Біреуден бірдеңені күтіп жүрсем,
Маған келіп ЖҮР дейтін жан көрмеппін

Өмірдің қиыны бар, пайдасы бар
Соған деген ынтың да жай басылар
Мен оларға шын көңілмен сеніп жүрсем,
Олардың ойларында пайда шығар

Шығарса да бәрі де бай-баламын
Мен үндемей шертемін ойлар әнін
"Жастығымда не істедім?" деп алып мен
Жастығымда жатып ап ойланамын

Жастығымда өтімді еңбек бітірмеппін.
Артынан еріп кетіп күпілдектің,
Мен осында басқамен айналыссам,
Елдің қамын шын ойлап, бітірмек кім?

Пайдасы мен ойлары тарап та жүр
Тұрғандай надандарға қарап қабір
Ойлаған арам ойын жинап алып
Жазып қою керек еді, параққа бір

Сан қилы мұң шерді де тергеп өтіп,
Сол нәрсеге қалдым ау менде жетіп
Ақ параққа жазып қойған арам ойын
Жіберейін төменге дөңгелетіп.