Адамдық құны

Жисаң да қанша байлықты,
Қалар бәрі бір күні.
Адамдықты сақта тек
Сол өмірдің шын құны.
Жақсылық қып өтсең сен,
Жұрт айтар сені үлгілі.
Дос таңдасаң, таңда адалын,
Жолда тастап кетпесін.
Жалған күлген ел ішінде,
Адал досым көп дерсің.
Дос болып бар жиында,
Сөз айтып қана дем беріп,
Қиын күні қасыңнан
Табылмаса дос несін?
Нәпсі деген ерке тұлпарға,
Тізгін берсең адасар.
Сабыр қылып, ақыл қоссаң,
Тура жолың табылар.
Құл болу күнә, нәпсіге,
Ерсең оған жоқ амал.
Жалған дүние өткінші,
Байлық пен бақ та қалмайды.
Ар мен ұят күзетсе,
Пенде жолдан таймайды.
Жақсы ісің қалса артында,
Жарық болып жалғайды.
Шектеулі өмір әр сәт қымбат,
Адасуға болмайды.

Автор: Оразбай Сарыбаев

---