Өлең, жыр, ақындар

Ашық аспан — кабинетім

  • 07.02.2016
  • 0
  • 0
  • 2677
Қорек етер мәңгі ұрпағым,
Іздеп тынбай жылдарға азық.
Жалғыз өзім жаңғыртамын
Жалпақ қырды жырлар жазып.
Жапырақтар — қарлығашым,
Ақ бұлақтар — ақ ниетім.
Қара ормандар — қарындашым,
Ашық аспан — кабинетім.
Күн түспеген жерге жетіп,
Ойнаймын мен шуақ болып.
Еркін желмен өлеңдетіп
Шулаймын мен құрақ болып.
Жаңғырамын таумен бірге,
Жүгіремін желмен бірге
Алаулаймын таңмен бірге,
Толқындаймын көлмен бірге.
Жаңбыр болып жауып алып,
Ең әуелі өз кеудеме,
Өз дауысымды тауып алып,
Құйыламын өзендерге.
Кейде тасып төгілемін,
Кейде ашынып булығамын.
Кейде бұлттай егілемін,
Кейде дауыл, шулы жаным.
Өзендермен өзен болып,
Тауға айналам тауды ұғынып,
Жел, күн, аспас кезең болып,
Жатам жалғыз жаңғырығып.



Пікірлер (0)

Пікір қалдырыңыз

Ана кегі

  • 0
  • 0

Шіркін, жеңіс жетті бір шақ,
Көптен күткен жыл құсындай.
Төктік жауға отты бұршақ,
Жүрекке кек тұрды сыймай.

Толық

Алты ағаш

  • 0
  • 0

(Баллада)
Соғыс күрмеп кеңімеді арқа-бас,
Эшелондар ағып жатты жанталас.
Ақболаттың алты ұлы аттанды,

Толық

Беріктік

  • 0
  • 0

Айнала тастай түн күңгірт,
Айтып ең маған сен сырды.
Жұлдыздар сөнді, жел жым-жырт,
Ойланып орман тұр мүлгіп,

Толық

Қарап көріңіз