Өлең, жыр, ақындар

Күн гимні

  • 07.02.2016
  • 0
  • 0
  • 2057
Әлденендей құпия сыр шертпектеп, Фашист лагері
Желмен ойнап күбірлейді көкпек тек.
Алақандай ақ қағаздың бетіне
Өлең жазып жатырмын мен етпеттеп.
«Көктемнің бір жалғыз күні жылға азық»
Деп диқан қарт атыздарды жүр қазып.
Ақ алмастай кетпенінің жүзімен
Жатыр ол да жер бетіне жыр жазып.
Борандарда ойламай өз бас қамын,
Қиян құзды жайлаған тау асқарын.
Жылқышы ата жазып жатыр далаға,
Тұлпарлардың тұяғымен дастанын.
Өз өлеңін жазып жатыр тау гүлмен,
Көл өлеңін жазып жатыр шалғынмен.
Тал өлеңін жазып жатыр жапырақпен,
Аспан жырын жазып жатыр жаңбырмен.
Илхамына тапсырып бар билігін,
Тарту етіп жүрегінің сыйлығын,
Жер мен көктің бар ақыны қосылып,
Жазып жатыр күннің ұлы гимнін.



Пікірлер (0)

Пікір қалдырыңыз

Қыстау маңында

  • 0
  • 0

Тағы да жаным бір қунап,
Кеземін Торғай даласын.
Көкірегімде жыр тулап,
Жұтамын жұпар ауасын.

Толық

Соғыс жайын сұра сен

  • 0
  • 0

Бүгін тарих — жыр әсем
Қара шаштар қар шалған,
Соғыс жайын сұра сен,
Мың өлімді қарсы алған

Толық

Түркістан жотасы

  • 0
  • 0

Ақ мақтадай басын жапқан ақша қар,
Орта Азия ортасында ақсақал.
Түркістанның алашұбар жотасы
Тұрды қарап тілегендей сәт-сапар.

Толық