Шардараның іргетасын қалаған Ауданымыздың құрметті азаматы Тәңірберді Ағманұлы атама арнаймын – Гүлсана Тілеубекова

Жүрегі кең әрқашанда жаны адал,
Ел еңбегін ерлікке оның балаған.
Өзіңізді құрметтейді қалың жұрт,
Шардараның ірге тасын қалаған.

Басқарған соң ардагерлер кеңесін,
Көмек беріп оларға шын келесің.
Құдай қолдап ісіңізді әрдайым,
Алла өзі қолтығыңнан демесін.

Асса да жетпіс жастан ата сіздің ғұмырың,
Нықтап жүрсіз Тәуелсіздік тұғырын.
Егемендік – ел мерейі білгенге,
Бостан болу әрқашанда ұлы ұғым.

Үлгі беріп өнегеңмен жастарға,
Шардараны шарықтаттың аспанға.
Әлеуеті ауданның бұл бүгінгі,
Сіздер салған соқпақтардан басталған.

Құрметтісіз аудандағы белгілі,
Мақтанышпен айтып жүрер ел мұны.
Ұл-қызың мен немереңе бұйырсын,
Абыройың асқақтаған ендігі.

Ерлік ісің ел есінде сақталып,
Жүре бергін ұлы істерді атқарып.
Есіміңді ел үлгі - өнеге тұтса егер,
Біз жүрейік сыртыңыздан мақтанып.