Бір-ақ жайды, әйтеуір, білдім бүгін
- 0
- 0
Бір-ақ жайды, әйтеуір, білдім бүгін:
маңайымды, тіпті анау жыңғыл гүлін
сен арқылы ораймын жылылыққа,
сен арқылы сіңіріп күннің нұрын.
Теңіз аласапыран
Теңіз аласапырантұра қашып, көктегі жасқанды бұлт,
күркірейді жағада тас жаңғырып.
Дауыл құшқан толқындар өршелене
шапшиды аспанды ұрып.
Толқындарда толас жоқ,
байсалдылық бұрынғы былай қалып
(әлдекімді, әлде өзін сынайды анық),
арыстандай тордағы аласұрып,
құлайды шыр айналып.
Шыдатпайды теңіздің бұл сынағы,
құлағыңды шулатып тылсым әні.
Қалтылдаған желқайық жел өтінде
толқынға тұншығады.
Тыныштықпен күн кешпей жай жылымда,
белді буып ағысқа, қайғы-мұңға,
ақ желкен боп барамын тағдырымның
дауылды айдынында!
Пікірлер (2)
Пікір қалдырыңыз
Құпия ғой, құпия адам деген
- 0
- 2
Құпия ғой, құпия адам деген!
Таныс емес жайттар жоқ маған деп ем,
болғандай ем бәрін де көріп, біліп,
әлі күнге мен қалай аман келем?
Аяла
Куштыго
Сайда
Фариза Оңғарсынованың «Теңіз аласапыран» өлеңі шын мәнінде жүрекке жол табатын, терең философиялық туынды. Өлеңде теңіздің дауылы мен толқыны арқылы адамның ішкі сезімдері мен өмірдегі күрестерін керемет бейнелеген. Ақын табиғаттың күшін адам сезімімен үйлестіре отырып, оқырманға ой салатын бейнелер арқылы рухани байлыққа шақырады. Бұл шығарма тек поэзия сүйер оқырманға ғана емес, өмірдің мәні мен адам тағдырын тереңірек түсінгісі келетін әрбір адамға ой салары анық. «Теңіз аласапыран» — қазақ поэзиясының заманауи үлгілерінің бірі, ол рухани дамуға, сезімталдыққа және табиғатқа деген сүйіспеншілікке баулиды. Фариза Оңғарсынованың шығармашылығы әрқашан өмірлік шындық пен ішкі ойларды үйлестіріп, оқырманға терең әсер қалдырады