Кешігіп жеткен ұйқастар – Әсел Бимырзаева

Бұл бетте «Кешігіп жеткен ұйқастар» атты Әсел Бимырзаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Ұзақ көңіл бөлмесем,
Бұл – уақытсыз дедің бе?
Сенсіз қалып өзгеше,
Бұл – бақытсыз дедің бе?

Шелек-шелек шерімді,
Тарқамасын дедің бе?
Ауыр жүкті бір өзі,
Арқаласын дедің бе?

Шашылған ойды жинауға,
Машақаты көп дедің бе?
Тыртығы қалған жазылмай,
Жарақаты көп дедің бе?

Тарығып талған толғауды,
Тілсіз кетсін дедің бе?
Өлеңім өксіп өтпестей,
Өңеште кепсін дедің бе?

Көңілден кетіп алыстап,
Қадірім білсін дедің бе?
Төзімсізбен алыспақ,
Сабырын білсін дедің бе?

Мақұрым қалған бәрінен,
Мақсаты жоқ дедің бе?
Жасырын қалған бәрінен,
Жақсы аты жоқ дедің бе?

Шабытпен болмай шатағың,
Алыстап кетем дедің бе?
Ойларды айға шабатын,
Алысқа ап кетем дедің бе?

Ізгіліктен іздедім,
Ат ізін салған өшірмей.
Ізгі ниет те үзбеді,
Қалса да көңіл көсілмей.

Ақ қағазға қимаған,
Арманда кеткен ұйқас бар.
Жарыққа шық, сыймаған,
Кешігіп жеткен ұйқастар!



Бимырзаева Әсел Маханбетқызы
Түркістан қаласы


Пікірлер (0)

Пікір қалдырыңыз

Жиі қойылатын сұрақтар

Кешігіп жеткен ұйқастар өлеңінің авторы кім?

Әсел Бимырзаева — осы өлеңнің авторы.

Кешігіп жеткен ұйқастар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Кешігіп жеткен ұйқастар өлеңі не туралы?

Бұл өлеңде Әсел Бимырзаева өз ойы мен сезімін көркем түрде жеткізеді.

Кешігіп жеткен ұйқастар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері