Өкінген – Ерден Кабдрашидов

Бұл бетте «Өкінген» атты Ерден Кабдрашидов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Буырқанған бұлақ сезім бастауы,
Бұлтқа оранған сезім бақтың аспаны.
Сүйгені үшін қатты өкінген бұл жүрек,
Ет есігін мәңгі жауып тастады.

Өкініш бар, тұнып қалған тереңде,
Сен артықсың менің мінген кемемде.
Капитан боп басқара алман жүректі,
Крузо болып ғұмыр кештім, сенем бе?

Толқын шайған өткен күндер елесін,
Жарға соққан, махаббатымның кемесін.
Жан дүниемнен хабары жоқ адамдар,
Ғашық болған, әлі де ғашық демесін.

Тоғыспаған сан тағдырлар тарауы,
Менімен бір жалғыздықтың аралы.
Ұмытты ма менің мұнда барымды,
Менің кемем кері қайтып барады.

Жаулап алған сан сұрақ от сананы,
Тарауларын жадымның ақтарады.
Үміттерім тиелген менің кемем,
Алыстап, қара нүкте боп барады.

Өзгелерден жалғыздығым бағалы,
Бос ашылар өмірдің бір парағы.
Жанға медеу жанның керек кезінде,
Жалғыз досым жалғыздықтың аралы!


Пікірлер (0)

Пікір қалдырыңыз

Жиі қойылатын сұрақтар

Өкінген өлеңінің авторы кім?

Ерден Кабдрашидов — осы өлеңнің авторы.

Өкінген өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Өкінген өлеңі не туралы?

Бұл өлеңде Ерден Кабдрашидов өз ойы мен сезімін көркем түрде жеткізеді.

Өкінген өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері