Арман айнасы – Қажытай Ілиясұлы

Бұл бетте «Арман айнасы» атты Қажытай Ілиясұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 23.09.2020
  • 0
  • 0
  • 1776
Үйіріп, үздіктіріп арман-ағын,
Қалқам-ау, қанша жерді шарлағамын?!
Менің кеудем жарым шар альбомыңдай
Суретін жинап-терген әр қаланың.
Әр қаланың шулатып, қарғаларын,
Жандауыспен шырқадым арман әнін.
Білдірдім бірақ қазақ екенімді.
Еңсемнен исі аңқып сардаланың.
Сардаланың бояуы қармағаным,
Көп тыңдадым мұңдының зарлағанын.
Кінәсіздің көз жасын сүртсем, болды,
Қаскүнемнің қайтемін қарғағанын?!
Қарғағанын, қайтемін арбағанын?!
Бұздым талай тасырдың тар қамалын.
Ақкөңіл, албырттықпен аңғармаппын,
Ақсұңқардың орнында қарға барын.
Қарға барын, білсем де, қарманамын.
Жаңылмай, айтсам-ау, деп арман әнін!
Ата-баба мінезін білмейтұғын,
Қарғаң маған жөн айтса, бар ма амалым?!
Бар ма амалың? Сөз сенен, ал, қарағым!
Өзгеден өзгелігімді аңғарамын...
Өзіме тіл бітеді, таратылса,
Жаныммен жазылған қол таңбаларым...


Пікірлер (0)

Пікір қалдырыңыз

Жиі қойылатын сұрақтар

Арман айнасы өлеңінің авторы кім?

Қажытай Ілиясұлы — осы өлеңнің авторы.

Арман айнасы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Арман айнасы өлеңі не туралы?

Бұл өлеңде Қажытай Ілиясұлы өз ойы мен сезімін көркем түрде жеткізеді.

Арман айнасы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері