Кешір Алла – Назгүл Жалғасбай

Табынарым, тәңірім өзің Алла
Қолдап, үміт бересің жолы аққа.
Пенделерің жаңылса хақ жолынан,
Өзің бағыт көрсетесің тура жолға.

Қия басқан сәттерде аңдаусызда
Көмек қолын созудан бастартқанда.
Жүректерді жаралап, дақ түсірсем
Мына сорлы пендеңді кешір, Алла!

Жақсының жақсылығын танымасам
Масаттанып, дәргейіңе бас ұрмасам.
Қызбалыққа салынып ашулансам
Кешір, Алла нәпсімді тия алмасам.

Адасып, тура жолдан тайқығанда
Иланбай иләхи дін Исламға.
Бос өткізсем күнімді қайталанбас
Төгіп маған мейіріңді, кешір, Алла!