Өлең, жыр, ақындар

Қырғыздар мен қазақтар

  • 26.03.2018
  • 0
  • 2
  • 10255
Шаттықта да бірміз,
Қайғыда да бірміз,
Бір тамырдан қуат алған егіз, туыс гүлміз.
Бірімізді екіншіміз қолдап, сүйеп жүрміз
Алатауды алып құсқа балар болсақ
Сол құстың
Бір канаты қазақ та, бір қанаты қырғыз.
Еңісте де, өрісте де бірміз,
Жеңілісте, жеңісте де бірміз,
Ынтымақ пен ізгіліктің жігін ашпас шеге болып тұрмыз,
Түйенің қос өркешіндей тұтасқан бір дене болып тұрмыз,
Сен жоқ жерде қазақ жетім, жан бауырым, қырғыз.
Ер мен езді ажыратпай адамзатқа бақ бар ма?
Бабамыздың сақалы да түсті қанша көкпарға.
Кейбір қырғыз қансыздары
Сонау жылы, ызғар шашқан ақпанда
Өз ұлтының мұхиттан да терең жатқан байлығы,
Бүткіл түрік, бүткіл әлем рухының айбыны,
Манас туын құлатқалы жатқанда,
Бар қырғызды жылатқалы жатқанда,
Хас батылдық кімге шаттық, кімге азап
Жанын салып қорғап қалған бір қазақ.
Қырғыз үшін отқа салған қанатын
Ал ол қазақ — ұлы Әуезов болатын.
Желтоқсанда егемендік аңсап ұлы кең дала,
Тосын мінез көрсеткенде қажырлана, жандана,
Қазақтың жас өркеніне
Бүкіл әлем көз тіккенде таңдана,
Жойқын күштер жұдырығын көрсеткенде паңдана,
Бәрі бұғып қалған кезде, ей бауырым, қырғызым
Тайсалмастан қолдау айтқан, қорғау айтқан сен ғана!
Жалғай берсін құдалықты ер жігіттер, гүл қыздар,
Екі елге ортақ Манас, Абай көгіндегі жұлдыздар.
Қырғыздардан асқан туыс болған емес қазақта
Ал қазақтай бауыр таба алмайды қырғыздар!



Пікірлер (2)

Адилбеккызы Сымбат

Бул оленнини астында талай сыр жатыр десенши

Erasyl

Qazaq halqynyń mańdaıyna bitken jaryq juldyzy

Пікір қалдырыңыз

Дара талғам қасіреті

  • 2
  • 3

Зор рухи бұла күшке кім тосқауыл бола алар?!
Нағыз ақын мәңгі жастық шуағына оранар.
Үш мың жасқа тартқан Гомер одан әрі жол алар,
Үш ғасырды жеңген Байрон әлі жап-жас саналар.

Толық

Мұрын жайлы әзіл

  • 1
  • 2

"Перзент болу оңай ма толыққанды,
Зерттеп өс, - деп, -айдарлы алыптарды"
Мені башқұрт жыршысы Мұстай Кәрім
Расул Ғамзатовқа алып барды.

Толық

Қасымды қабылдамаған адам хақында

  • 2
  • 3

Кез болатын наурыз айы сән құрған,
Дала жатты есі шығып жаңбырдан.
Сол далада... жол үстінде бұралаң
Жасы алпыстың әуізіне құлаған

Толық

Қарап көріңіз