Жеңіс күні

Сарғая күткен ұлы күн
Шұғыласы бүгін жарқ етті,
Бағына талай миллионның
Баянды жеңіс күн жетті.
Сүйінші елден сұрадық —
Жұбайын күткен жар күлді.
Жаным дер бауыры жауда өлген
Жарқырап қайғы-зар күлді.
Сілкінді дүние қайратпен,
Киімін шешіп қан басқан.
Отырды солдат айбатпен,
Етігін сүртіп шан басқан.
Көңілді көктем шағындай,
Құлпырды әлем сол бір шақ.
Сүйісті ғашық жарыңдай
Адамды өмір құшақтап.
Дүние махаббатымен
Сұқтанды қызыл жұлдызға,
Жеңімпаз Отан даңқы мен
Жауынгер біздің ұл, қызға.

---