Өмір соқпағы

Өмір деген емес ол атты кісі,
Толып жатыр бүкпесі, қақтығысы.
Қыз мінезді кейде бір сұлу көктем,
Келеді екен кейде оның қатты қысы.
Кейде жанға тырнағын батырады,
Кейде әлдилеп алдына отырады.
Әр мінезі ағартып тал шашымды,
Алда қанша соқпағы жатыр әлі?..
Алысып келем талай қысыменен,
Жатады кейде басым күші менен.
Жориды жығылдыға сүрінсем де,
Кейбіреулер жанымды түсінбеген.

---