Марфуға Айтқожина

Таң самалы

Бұл бетте «Таң самалы» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.08.2018
0
0
2374

Теңіз ерте ұйқысынан оянды,
Толқын жүзі таң нұрына боялды.
Таң самалы тереземнен енгенде,
Көңіл қалай хош иісіне тоя алды.
Көз алдыма көкшіл әлем тартылды,
Таң керілген көркі қандай тартымды,
Теңіз күйін тыңдауменен тебіреніп,
Ризамын, өткеруге әр түнді.
Жабырқармын түсінбесең жанымды,
Тарту еттің маған сазды әніңді.
Сүйрік саусақ, сұлулары латыштың,
Мінезінде мін жоқ, неткен нанымды!..
Сүйсінемін, көзбен көріп сәніңді,
Кімді күтіп, теңіз сонша сарылды.
Самал сипап толқын жүзін өпкенде,
Кең даламды, елестетті, сағымды.

Марфуға Айтқожина таң самал таң самалы Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар