Өлеңдер Бөлімі

Түн аунап тізесінде

  • admin
  • 16.08.2018
  • 0
  • 0
  • 695
Салқын самал.
Тау баурайы соншама көркем еді,
Аңыз дерсің естіген ертедегі.
Түн аунап тізесінде жасыл белдің,
Армансыз,
Наз қылықпен еркеледі.
Салқын самал.
Барады өз-өзінен маза қашып,
(Кешіре гөр, кетсем мен жаза басып).
Тыныстатып бір нәзік сұлулықты —
Дала жатты маужырап, алаң-ашық.
Салқын самал.
Сипайды ақ селеуді сылаңдатып,
"Сәулем-айды" шырқайды шығандатып.
Асырған еркелігін асау сезім,
Жіберді-ау көз алдымды тұмандатып.
Қарсы дау айта алмадым бұған да түк,
Түн ару — қара шашын бұлаңдатып.
Сылқ-сылқ күлді,
Жанға сол кетті батып,
Бүркіті жөткірінді тұмауратып...
Салқын самал.
Тау баурайы сонша ма көркем еді,
Аңыз дерсің естіген ертедегі.
Түн аунап тізесінде жасыл белдің,
Наз қылықпен,
Армансыз еркеледі.


Бұқтарма

  • 0
  • 0

Таласым жоқ, еркесің сен, Бұқтарма,
Ақын, бірақ, айбарыңнан ықтар ма.
Бейне сенің толқыныңнан аумаған,
Сүйреп келем арман атты жүкті алға.

Толық

Қайда, құрбым, сол бір тәтті күндерің

  • 0
  • 0

Көктем екен жас қайындар бүр ашқан,
Жасын төкпей,
Жадыраған сұр аспан.
Қырда қызыл қызғалдақтар ашылып,

Толық

Түс көрдім мен

  • 0
  • 0

Түс көрдім мен,
Түсімде сені көрдім.
Қандай ғажап тасыған көңілі ердің.
Шалғылары жетілген мұзбалақтай

Толық

Қарап көріңіз


Пікірлер (0)

Пікір қалдырыңыз

×