Өлең, жыр, ақындар

Сырымды айтам

  • 17.08.2018
  • 0
  • 0
  • 3290
Сенен өзге —
Жақынды мен таппадым,
Содан болар шаужайыңа қақпадым.
Сұлу аттай сүзілдіріп жалынды,
Ертелі-кеш бір өзіңді баптадым.
Сенен өзге —
Жақынды мен таппадым,
Жалынбадым, басқаға мұң шақпадым.
Күтіп келем бір өзіңнің жолыңды,
Күтіп келем, атар таңның әппағын.
Сенен өзге —
Жақынды мен таппадым,
Бұл өмірдің кезіп жүріп соқпағын.
Өлеңдерім, жан серігім, жақыным,
Тұтата бер шабыттардың шақпағын.
Сен көгерсең —
Бірге көктеп, өнермін,
Сен қурасаң —
Мен де бірге сөнермін.
Сенен өзге жанға берер сертім жоқ,
Не көрсетсе —
Өзі білсін келер күн.
Сенен өзге —
Жақынды мен таппадым,
Үнсіз қалсам іздедің сен, жоқтадың.
Берілсем де кейде құрғақ қиялға,
Бір өзіңе —
Тиянақтап, тоқтадым.



Пікірлер (0)

Пікір қалдырыңыз

Ақ толқындар шулайды

  • 0
  • 0

Басты еңсені қалың ойлар — қорғасын,
Ұзақ жолдар сапарласым, жолдасым.
Россияның тәңірі болған — Петрдің,
Көріп тұрмын тақ пен тәжін, ордасын.

Толық

Таңырқама ақ шашыма

  • 0
  • 0

Таңырқама,
Ақ шашыма қарама,
Бәрібір мен боямаймын қараға.
Тау басында жатқан қардай қысы-жаз

Толық

Ақын ауылында

  • 0
  • 0

Абайла, келіп қалдық Алмалыға,
Айналған талай жанның арманына.
Ақбас тау, арынды өзен — арғымақ жал,
Көргеннен көзді жаулап алмады ма?

Толық

Басқа да жазбалар