Өлең, жыр, ақындар

X съезге

  • 17.08.2018
  • 0
  • 0
  • 7296
Жіберген елім таңдап ұлы тойға,
Ұлдарым, деп бахыттың қамын ойла.
Алуға Сталиннің алтын заңын —
Одақтас Қазақстан, абыройға.
Бахыттың шам-шырағы жарық таңы,
Нұрымен ұлы Сталин жаңа заңы,
Есейіп Қазақстан одақ болдық,
Келісіп ұлт пен ұлттың ынтымағы.
Өркендеп социалистік шаруам өсіп,
Бақшадай кен қонысқа қондым көшіп,
Өндіріс, колхоз, совхоз бәрі думан,
Күншығыс жаңа отаным — алтын бесік.
Тамаша естігем жоқ мұндай заман,
Масайрап ен жасаған ерікті адам.
Жасарып сендермен бір қол соғады,
Қария көпті көрген Жамбыл бабаң.
Орнықты күншығыстан тіктік орда,
Көтеріп қызыл жалау алып қолға.
Бұл жалау қараңғыға күн боп туар,
Еліне күншығыстың тұрған торда.
Бұдан да Сталиннің нұры жарық,
Жайнасын, масайрасын барлық халық.
Таратып жер жүзіне бахыт тамырын,
Шөлдеген адам ұлы қалсын қанып.



Пікірлер (0)

Пікір қалдырыңыз

Күн толғауы

  • 0
  • 0

Өлеңім, май күнінің толға жырын!
Қақ канат, қуаныштың ақтар сырын,
Жастығым шыққан күндей туды жаңа,
Құлпыртып көкке өрлеп жердің түрін.

Толық

Соңғы сөз

  • 0
  • 2

Сөндің бе жарқыраған шам-шырағым,
Қалдың ба тас бітеліп қос құлағым?
Жатсам да төсек тартып дәрменім жоқ,
Сеп болып сөйлетесің жалғыз жағым.

Толық

Сталиннің ер досы

  • 0
  • 0

Елімнен Мәскеу жеткенше
Жазыла түсіп жол жатыр,
Көк орай шалғын жер жатыр,
Асқар-асқар тау жатыр,

Толық

Қарап көріңіз

Пікірлер