Өлең, жыр, ақындар

Үнсіз ылғи қарайлап

  • 06.09.2018
  • 0
  • 0
  • 1709
Айнадай беті жалтырап,
Алысып ойнап айменен.
Жапырақ жүр қалтырап,
Толқында жүзіп жайменен.
Нұрға толы су беті,
Толқындар шулап шетінде.
Аспанның әсем суреті
Кестеленіп бетінде.
Жатыр әне көл тұнып,
Сабасында көлгірсіп.
Самалмен ойнап желпініп,
Майда толқын келді ыршып.
Келді тағы секіріп,
Толасы жоқ толқындар.
Мазасын түннің келтіріп,
Шуландар да, толқындар.
Үнсіз ғана қарайлап,
Отырдым бірде кешкілік.
Тіл қатқандай бар аймақ,
Тұрды бір күй естіліп.
Тағы да тұрмын жағада,
Сыр аңдып толқын үнінен.
Ұқсайды ақын ағаға
Осынау ойшыл түрімен.



Пікірлер (0)

Пікір қалдырыңыз

Жарқыра менің жұлдызым

  • 0
  • 0

Жарқыра, менің жұлдызым,
Жұлдызсыз мақпал түн — түнек.
Шақырып шалғай, жүршілеп,
Құстары ұшып дүркіреп,

Толық

Жанарыңнан таң күліп

  • 0
  • 0

Кетер сенің жүрегіңнен балқып таң,
Күлкің сенің айдын бетін шалқытқан.
Көңіліңнен анау ұлы тауларға,
Әппақ болып мәңгі-мәңгі қар жұққан.

Толық

Ойлар

  • 0
  • 0

Түн ұзақ, аунақшып жатырмын,
Жұлдыздар сирексіп қалыпты.
Жат бопты-ау, дегенім жақынмын,
Бұл жаным бәрінен жалықты...

Толық