Жаңа күн! – Жанар Сайлауқызы

Жаңа күн-жаңалық жаршысы,
Амандық тілейміз Алладан.
Жазылып кетсе екен әлемде,
Ем алып жатырған бар адам.

Жаңа күн,
Қуаныш сыйлашы,
Мәз болып,айналам жайнасын.
Жүректе ыза-кек,мұңлы жүз,
Ешқашан,ешқашан болмасын.

Жаңа күн
Сенімді ақташы.
Бұл өмір көрсетпей жамандық.
Өтірік сөздермен алдамшы,
Шындықты аңғармай қалмайық.

Жаңа күн,
Анасын іздеп жылаған,
Сәби жүрекке көңіл бөл!
Сан түрлі нұрлы шуақпен,
Мейірімге бөлей жүр.

Жаңа күн-арманым көп менің,
Орындаларын білемін.
Себебі,ең алдымен-
Жаратушыға сенемін.