Өлең, жыр, ақындар

Алты аяқ

  • 18.04.2015
  • 1
  • 0
  • 12463
Тұңғиық түпсіз ашулы
Асау теңіз толқыған.
Бойымды топырақ басулы,
Жүре алмаймын жол тұман.
Теңізден қайтып өтермін?
Түссем, батып кетермін!
Алдымдағы өлімнен,
Міндім қайық көз жұмып.
Адастық қазір жөнімнен,
Қайығым да һәм сынық.
Айрылдым және күректен,
Тек жан шықпай жүректен.
Ызғарлы суық, үсті мұз,
Толқын тулап соғады,
Қатты көңіл қайрымсыз,
Су қайыққа толады.
Енді өлмеген не қалды,
Қоясың қайда бұл жанды?
«Талқандаймын тәніңді!
Деп қамалар су халқы.
Қия алмастан жанымды,
Жыладым сонда мен жалқы.
Ем іздеп детті халыққа,
Жем болдым - ау балыққа.
Таудай толқын тағы кеп,
Ұшты қайық аспанға,
Әзірейіл тұр «болшы» деп,
Қайда барам қашқанда?
Жан таластым тұншығып,
Бір батып суға, бір шығып.
Міне сол уақытта:
Алтайдан бір тал білмеймін.
Түсті неғып қолыма?
Кез қылды ма құдайым,
Ажалсыздың жолына.
Талдан ұстап қармалап,
Судан шықтым «аллалап».
Суық өткен, шаршаған,
Бола ма, адам, болмай ма?
Соққы жеген қаншадан,
Дауасы яки қонбай ма?
Дауа тегін, ем тегін,
Қайтарт алла, еңбегін.



Пікірлер (0)

Пікір қалдырыңыз

Жас жүрек

  • 1
  • 0

Жас жүрек, қайда сенің ыстык қаның;
Тап мұндай мұздауыңның айтшы мәнін?
Тәтті үміттің қиялы сәуле беріп,
Ұйықтатпайтын толқынның жойдың бәрін.

Толық

Шығамын тірі болсам адам болып

  • 1
  • 59

Шығамын тірі болсам адам болып,
Жүрмеймін бұл жиһанда жаман болып.
Жатқаным көрде тыныш жақсы емес пе,
Жүргенше өмір сүріп, надан болып.

Толық

Жан қайда әділетті іздейтұғын

  • 1
  • 1

Жан қайда әділетті іздейтұғын,
Адамшылық атақты көздейтұғын.
Тірлік пен өлген күнді бірдей ойлап,
Екі жайдан күдерді үзбейтұғын.

Толық

Қарап көріңіз