Диалог

Бұл бетте «Диалог» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 22.03.2019
  • 0
  • 0
  • 3531
– Мыналар кімдер, қаптап бір келген осында,
Турасын айтшы, осының бәрі досым ба?
Қайсысын, қалай қадірлеп қарсы алайын,
Жауымды көрсең атап айт атын, жасырма.
– Тұрсың ғой көріп, көп адам келді осында,
Баршылық мұнда жауың да және досың да.
Досыңды көріп төгіле қалма, шашылма,
Қасыңды көріп қасара қалма, шошынба.
***
Түсінгенге, түпсіз бір тереңдеймін,
Түсінбеске тілсіз бір тереңдеймін.
Құсбегінің көзінде - сұңқардаймын,
Атсейістің көзінде - тұлпардаймын.
Танымастың көзінде түк те емеспін,
Ондайлардан «Әбекем» демейді ешкім.
***
Артқы аяғын шайнатқан арыстандай,
Мен де келем ыңыранып алыстардан.
Жаутаңдамай, жауыма тік қараймын
Дәрменім бар бүгінде алысқандай.
Жастан тапқан әдетім – өжеттігім
Қиын жерде қираймын қалыс қалмай.
***
Шығып ем ойнап жасымда талай дөңеске,
Жетіп-ақ қаппын асуын бермес белеске.
Жарамай қаппын жақсылар барар кеңеске
Осының өзі-ақ тозғаным менің емес пе?


Пікірлер (0)

Пікір қалдырыңыз

Жиі қойылатын сұрақтар

Диалог өлеңінің авторы кім?

Әбділдә Тәжібаев — осы өлеңнің авторы.

Диалог өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Диалог өлеңі не туралы?

Бұл өлеңде Әбділдә Тәжібаев өз ойы мен сезімін көркем түрде жеткізеді.

Диалог өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері