Өлең, жыр, ақындар

Бүркіттім, менің

  • 04.04.2019
  • 0
  • 0
  • 1410
1
Көрікті тауым, Бүркіттім,
Көзімнен бұлбұл ұшырған.
Өзіңнен өнген бүршікпін,
Өмірге сый ғып ұсынған.
Көрмеп ем көптен, Бүркіттім,
Тұр ма екенсің өзгермей.
Жанарға тамшы іркіпсің,
Жаманат жаным сезгендей.
Оралдым еңсем езіліп,
Ойларға елтіп басқа бір.
Мәңгіге солай көз іліп,
Баурында жатыр жас қабір...

2
Бүркіттім, сонша сағындым,
Аңсатты ерке самалың.
Нәзік те гүлің үлбіреп,
Нұр құшып тұр ма сағағын.
Кешіре гөр жан, әкем,
Жалғыз ауыз сөзіңді
Ести алмай барамын.
Дегендей біреу "қарағым",
Алаңдап жалт қарадым.
Қалтырайды қолымда,
Шоқ гүлі ғана даланың.
Самал бір ессе сарылып,
Сағынышы ол, балаңның.



Пікірлер (0)

Пікір қалдырыңыз

Қалың мұнар

  • 0
  • 0

Қаптың тауы бүркенді қалың мұнар,
Неліктен сол мұнарға жаның құмар?!
Шығыстың аруындай перде тартқан,
Мұнарың —

Толық

Тағдыр

  • 0
  • 0

Басында тұрса да егер тұнып қайғы,
Мың есе үмітке адам жуықтайды.
Бауырына,
Досқа деген махаббаттың

Толық

Күндемеңдер

  • 0
  • 0

Ен далада еркін өстім,
Кең өстім,
Қаққан емес маңдайымнан мені ешкім,
Өз басыма осы бақыт жетеді,

Толық