Қадыр Мырза Әли

Бір кездегі шаруаның құралдары

Бұл бетте «Бір кездегі шаруаның құралдары» атты Қадыр Мырза Әли жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

29.04.2019
0
0
1565

Бір кездегі шаруаның құралдары
Автоматты бүгінде,
Бұрандалы.
Құрыш етін құлақтың жегеннен соң
Көршіміздің гуілдек крандары;
Ортасынан кеткенде өмір ауып,
Қырдың гүлін аңсаған омырауы
Түз ұлына шаншудай қадалған соң
Тыз-тыз еткен электр қоңырауы;
Атқан кезде алаулы лала таңдар
Аттың жалын аңсай ма алақандар?
Жей берген соң жүйкені
Жиі-жиі
Шырылдаған шыжбақай телефондар;
Артқа тастап қаланың қуған үнін,
Ауылға біз барып ек тұрған інім,
Ұйықтай алмай қор болды тыныштықта
Аэродром түбінде туған ұлым!..

Қадыр Мырза Әли шаруа құрал бір кездегі шаруаның құралдары Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар