Қашан көрсем, тұрасың сен күлімдеп
Қашан көрсем, тұрасың сен күлімдеп,
Күн шығыстан күліп шыққан күнім боп.
Өзіңді де, өзгені де мәз қылып,
Жайраңдайсың жан секілд мұңың жоқ.
Сенің бейнең
Сенің бейнең көз алдымнан кетпейді,
Менің күнім сені ойлаусыз өтпейді.
Нұр жүзді көру үшін бір сәтке,
Бара жатам өрлеп биік беткейді.
Жасай бер, қазақ тілім
Танытар қазағымның қазақтығын,
Анықтар қазағымның ғажаптығын.
Мәңгілік жасайды деп сенім артам,
Айналдым қасиетіңнен, Қазақ тілім.
Ойға кеттім
Ойға кеттім өзімді тексеріп көп,
Оңай емес керуен көшке ілікпек.
Жүрер ме екем еленіп ел аузында?
Қалам ба әлде елеусіз естелік боп?
Менің де күнім туады
Күнім де менің туады,
Төгілер шапақ шуағы.
Түсінбей мені жүргендер
Құшағын ашап тұрады.
Сұлулық ортақ әлемде
Көркіңе шексіз құмартып,
Қадалар көздер мұнартып.
Бір адам ғана бір саған
Иелік ету тым артық.
Несіне мен өкінем?
Ей, көріктім, көріктім,
Саған қалай еліттім?
Саған қалай сеніппін?
Қалай тізгін беріппін?
Асқар таулы, дарқан даласы бар
Асқар таулы, дарқан даласы бар,
Астанадай шаңқан қаласы бар,
Ел басқарған дана баласы бар,
Жасай бер ғажап Қазақстан!
Көкте күннен нәр алған
Көкте күннен нәр алған,
Көпке нұр боп таралған.
Елбасымыз халқының
Бағы үшін жаралған.
Бабалардың сара жолын жалғаған
Бабалардың сара жолын жалғаған,
Даналардың дана ойын таңдаған.
Өткен күннен сабақ алып саналы,
Елбасымыз болашақты барлаған.
Ерен ұл Нұрсұлтандай асқаралы
Ерен ұл Нұрсұлтандай асқаралы
Егемен елімізді басқарады.
Қарттары риза болып Елбасына,
Айрықша асқақтайды жастар әні.
Отаным – Қазақстан
Отаным – Қазақстан, кең мекенім,
Білемін бар бақытым сенде екенін.
Ыстық маған құшағың,
Мен өзіңде ержетемін.
Ауырады жүрек
Ауырады жүрек болған соң жүрек,
Кеудеге келіп қонған соң жүрек.
Ақылды қанша болса да адам,
Жүрексіз қалса, соншама надан.
Неге өзімді-өзім алдаймын?
Неге өзімді-өзім алдаймын?
Өзіңсіз өмір сүре алмаймын.
Өзіңмен ғана бардаймын,
Өзіңмен дара, дардаймын.
Жаңа сайланған әкімдерге
Құтты болсын тақтарың,
Арта берсін бақтарың.
Сайлаған соң құрметтеп,
Ел сенімін ақтағын.
Керемет менің көріктім
Керемет менің көріктім,
Кенеттен сені көріппін.
Сол күннен нәзік сезімнің
Тізгінін саған беріппін.
Билігінде бар дүние, бар аспан
Билігінде бар дүние, бар аспан,
Жалғыздық бір Аллаға жарасқан.
Бұл пәниде саяқ жүрсе де,
Мұңайса да, күлсе де,
Оразаң қабыл болсын
Оразаң қабыл болсын, мұсылмандар,
Аллаға мойынды шын ұсынғандар.
Алла шын мейірімді, кешірімді,
Күпірлік жасасаңдар, қысылмаңдар.
Қазақтың жыр жазбаған баласы аз ба?
Қазақтың жыр жазбаған баласы аз ба?
Қазақтың шын маздаған данасы аз ба?
Абайдай асылдан соң, ғасырдан соң,
Жарқ етті Мұқағали Қарасазда.
Мен – Үйсінмін
Мен – Үйсінмін, қауға берсең, қауға бер,
Қанағызып, үйренгем жоқ жаулап ел.
Дауы да жоқ, жауы да жоқ, тып-тыныш,
Бауырларым, біздің асқақ тауға кел.
Момақан Ұлы жүздің баласымын
Кісінің аттамаған ала жібін,
Момақан Ұлы жүздің баласымын.
Тарайтын төрт арысты Ошақтыдан
Тасжүрек Сейіт ата саласымын.
Мен сені қалай көрдім
Мен сені қалай көрдім,
Қасыңа жанай бердім.
Жалт еткен жанарыңмен
Жаныма арай бердің.
Әйел құдіреті
Бас иемін қашанда әйелге мен,
Соғып тұрған жүрегім әйел дер ем.
Құдіретті кім десе бұл әлемде,
Сұлу болып жаралған әйел дер ем.
Даламның келбетін-ай
Қалып жатыр кең дала дөңгеленіп,
Кейбір соқпақ тірелген дөңге келіп.
Келбетіне даламның қызығумен,
Мен келемін бақытқа он бөленіп.
Жазушылар одағы тұрмас мәңгі
Жазушылар одағы тұрмас мәңгі,
Тұрғанымен ешбір іс қылмас мәнді.
Таланттарды туралап тани алмас,
Жасағанмен біреуге «бір бастанғы».
Жазушылар одағына
Жазушылар одағын
Жанашыр деп ұқпаймын.
Өйткені, мен олардың
Ойларынан шықпаймын.
Менің анықтамам
Кісінің аттамаған ала жібін,
Момақан Ұлы жүздң баласымын.
Тарайтын төрт арысты Ошақтыдан
Тасжүрек – Сейіт ата саласымын.
Өспейді неге санымыз?
Өспейді неге санымыз?
Азған ба, әлде қанымыз?
Он миллион қазақтан
Аса алмай жүрміз әлі біз.
Жаңа жыл – наурыз
Мерекеміз Наурыз –
Халық күткен бақ-ырыс.
Адамдардың аңсары,
Бір-біріне сағыныш.
Қаншалықты кернегенмен күш-ағын
Қаншалықты кернегенмен күш-ағын,
Көк төсінен құласа егер ұшағың,
Қасіретін ешкімнен де көрмегін,
Жаратқаннан келген ол бір құса-мұң.
Мәңгілік мекен
Жас нәресте көзін алғаш ашқанда,
Қадалады жарық дүние аспанға.
Содан кейін аялайды анасын,
Жақын тартып бауырына басқанда.
Сиқыр сезім
Жаулап алдың әніңмен де,
Сұлу сымбат сәніңмен де.
Ақ көңіл мен пәк жүрегің
Аса қымбат бәрінен де.
- Нарша Булгакбаев
- Нарша Булгакбаев
-
- Архимед
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі