Аюға намаз үйреткен – таяқ,
Молдаға намаз үйреткен – тамақ.

Ілмектер: молда, намаз

---

---

Өлеңді жерде
Өгіз семіреді,
Өлімді жерде
Молда семіреді.

Ілмектер: мал, өлім, молда

---

---

Аңқау елге — арамза молда.

Ілмектер: аңқаулық

---

---

Долыдан дәу-пері қашқан.

Ілмектер: долы

---

---

Қардан аппақ нәрсе жоқ,
Ұстасаң қолды тоңдырар.

Ілмектер: қар

---

---

Қазаннан қара нәрсе жоқ,
Ассаң қарын тойдырар.

Ілмектер: ыдыс

---

---

Су сүреңін табады.

Ілмектер: су

---

---

Қатты қыстан мал қалса — олжа,
Қатты аурудан жан қалса — олжа.

Ілмектер: олжа, ауру, мал

---

---

Жеріне қарай — жыланы,
Жауына қарай— құланы.

Ілмектер: жер, жау, жануар

---

---

Балықшы суда жүрсе де
Сусап жүреді.

Ілмектер: балықшы

---

---

Алса — құсым,
Алмаса — желпуішім.

Ілмектер: аңшылық

---

---

Ажалды киіктің
Аяғы тыныш жатпайды.

Ілмектер: тағдыр, өлім

---

---

Құзғын ас таңдамайды.

Ілмектер: байлық, кедейлік

---

---

Арыстанның ойнынан
Түлкінің мойны үзіледі.

Ілмектер: жануарлар, аңдар

---

---

Бақсы көрінсе, дерт қозады,
Ұста көрінсе, таға тозады.

Ілмектер: денсаулық, дерт

---

---

Алпыс күн аспанға қарағанша,
Алты көште айдынға құла.

Ілмектер: аспан

---

---

Құстың алғанынан,
Салғаны қызық.

Ілмектер: құс

---

---

Сұмырай келсе су құрыр.

Ілмектер: су

---

---

Мысық жоқта тышқан төбеге шығады.

Ілмектер: жануарлар, мысық, тышқан

---

---

Жар құласа, жайын өледі.

Ілмектер: балық

---

---