Жаңылтпаштар жинағы – 12-бет
Таудан тұман түсті,
Таудан Жұбан түсті.
Тұман түскен соң
Бір аң түсті,
Арқасы қылаң түсті.
Мұртынан күлуге жөн бе екен,
Сыртынан күлген жөн бе екен?
Сыртынан күлген өзге тең!
Мұртынан күлген оңды екен!
Сырғауылдың басына
Қырғауыл қонды.
Қырғауылдың сырғауылдың
Басына қонғаны
Нұрғабылға оңды болды.
Алқап астық. Аптап-а!
Жұмыс қауырт қат-қабат!
Астық жинап қаптап ап,
Таппадық бәр сәт тағат!
Кенеремен кенерелеп келдің бе,
Кенереден көп ебелек көрдің бе?
Қойым көп пе,
Қозым көп пе?
Қойша төлдер
Ойым көп пе?
Қойым бетте,
Қозым шетте,
Ойым көкте.
Қой мен қозым
Тойды көкке!
Тұрған қара қабақта,
Жабысқан жауыр қара атқа
Сауысқан – ала қанат па?
Алыстан ана ала қанатқа
Тас ат!
Қара атқа жолатпа.
Арқасын қара аттың талатпа
Құлатай, құбатай,
Құлатай мен құбатайды
Құлақтай алмағанның
Ұяты –ай!
Шөжелерім шөптесінде,
Шөптесін де шөп жесін бе,
Шөп жемесе, кет десін бе –
Аулағырақ беттесін де,
Құрт-құмырсқа ет жесін де.
Бала мысықты ана мысық,
Ана мысықты ала күшік.
Ала күшікті қара күшік,
Талаймын деп барады ұшып.
Көк шөп көрікті ме,
Көп шөп көрікті ме,
Көк кер көрікті ме,
Көк көл көбікті ме,
Көк бел келісті ме,
Көп тер жемісті ме?
Көктемеде
Көк пе төбе?
Көк төбеде –
Көп бетеге,
Бетегеге
Көк жете ме?
Анау арал, қай арал?
-Қайыңды арал, талды арал.
Ішінде бұзаулы ала марал.
Есет атам ет асатар,
Ет асатса, бес асатар.
Беріп тай, лақты,
Алдым тайлақты.
Беріп тайлақты,
Алдым тай, лақты.
Торта қойдым,
Орта қойдым,
Орта қойдым,
Жорта қойдым.
-Әй,Тайқарбай, Тайқарбай,
Қойыңды Майқараға жай Тайқарбай!
- Тайқарбай,Майқарбайларың толып жатыр,
Әй,Тайқарбай дегенің қай Тайқарбай?
-Әй,Тайқарбай,малыңды жадыраға жай Тайқарбай,
-Әй,Тайқарбай дегенің қай Тайқарбай.
Біреуі – көрікті кісі,
Біреуі – бөрікті кісі.
Көрікті кісі зорықты,
Бөрікті кісі қорықты.
Қырық құлып, Қырық құрық.
Құлып та қырық, Құрық та қырық.
Елеусіздік елеуіші елегіш емес,
Елеместің елеуіші елегіш.
Бала бал арасын қуалады,
Бал арасы баланы қуалады.
Көк сеңсеңнен көп сеңсең жоқ сен сенсең,
Соның бәрін жарар еді еңсерсең.
Жорғаң жорға-ақ екен,
Желіске шорқақ екен.
Шабыстан қорқады екен.
Жақсы атты әп-сәтте Асхаттар ақсатты,
Ақсатса жақсы атты, кім болар жақсы атты?!
Бір істі Жарабай жобалай қойды,
Ол іске Жоламан жоламай қойды.
Кәмаштан көріп қалашты,
Қалашқа Жарас таласты.
Қайта, қайта жатталды,
Айта, айта жақ талды,
Айтқан еңбек ақталды,
Жатталған мәңгі сақталды.
Сыйлыгүл сырмақты сыри берді, сыри берді.
Сырлыгүл Сыйлыгүлге сыйлыққа сиыр берді.
Қырда қырғилар құрға құлдилап ұшты,
Қырда құрлар қырғидан құлдилап қашты.
Демеуді Медеу демеп пе?
Медеуді Демеу демеп пе?
Бұлаң, бұлаң еткен бұл аң,
Бұлаң десем, екен қылаң.
Батырға қай көлік сай көлік?
Батырға сайгүлік сай көлік.
Сұр інген сүрінген бе?
Сүрінген сұр інген бе?
«Дұрыс» деп Тұраш айтты,
«Бұрыс» деп Бораш айтты.
«Рас» деп Раш айтты,
«Жалған» деп Жарас айтты.
Қайсысы жалған айтты,
Қайсысы рас айтты?
Кей кісі ауырса бір,
Елді етер абыр-сабыр.
Елді етпес абыр-сабыр,
Бәрінен де тәуір сабыр.
Байқап-байқап тал арала,
Тал ішінде талар ара.
Араласаң, қала арала,
Таппай сені қалар ара.
Топ, топ бала, топ бала,
Ойнап жүрген көп бала.
Жүгірсе де қаншама,
Қуатыны доп қана.
Үш ұшқыш алды
Үш кірқысқыш,
Үш тісысқыш.
Кірқысқыш қымбат па?
Тісысқыш қымбат па?
Алма базарда
Алма алма алар ма?
Ақ алма алар ма?
Әлде алары анар ма?
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі