Жаңылтпаштар жинағы – 14-бет
Томағаланған төрт бүркіт - қолда.
Томағаланбаған төрт бүркіт - торда.
Қанша бүркіт болады сонда?
Телпек ұстаған
Шелпектің қасынан табылды.
Келтек ұстанған
Шелпектен қағылды.
Тау басында тарымды жедім,
Жар басында жармамды жедім.
Сайға түскен соң
Сонан қалғанды жедім.
Тас,тас, тасбақа,
Асты-үстінде тас-тапа.
Келсін қасқа- асқа, ата,
Берші бата, досқа, ата.
Сылдырмақ сылдырлады,
Сәби былдырлады.
Сылдырмақ сылдырласа,
Сәби былдырлай ма?
Сылдырмақты сындырмай ма?
Сұқсыр үйрек
Билеп-билеп ұшты.
Сұқсыр үйрекке ілесіп
Бір ірі үйрек
Қанатын сүйреп ұшты.
Сұқсыр үйрек сүңгігіш пе?
Сүйір үйрек сүңгігіш пе?
Сөздің соңын тақпақтады,
Талай тақпақ таппақ тағы.
Сиыр баласын "Торпағым" дейді.
Қоян баласын "Көжек, қорқағым" дейді.
Сексен сегіз сәбізді
Күнде өгізге жегізді.
Күнде сексен сегіз
Сәбіз жеген өгіз семіз.
Сатып тайлақты,
Алдық тай, лаңты.
Сатып тай, лақты,
Алдың тайлақты.
Сары шал маршал болды,
Маршал болған сары шалды
Кәрі шал қарсы алды.
Маршал келді, - деп,
Көрі шал жар салды.
Салтап, сақтап орақ, шалғы,
Жұмсай берді олар, олақ шалды.
Саматқа санақ қонатын емес,
Саусағын санап болатын емес.
Онысы кейде кем болып шығады,
Кейде кенет он болып шығады,
Кейде одан да мол болып шығады,
Сөйтіп, есебі өзгеріп тұрады.
Сабалақ абалап үрді,
Сабалақ қотанды
Жағалап, абалап үрді де жүрді,
Сақпаншы құлағын түрді де жүрді.
Сабақ үстінде
Екі қыз бала жүзім жеп отыр.
Жүзімді тағы бір бойы ұзын... жеп отыр.
Жүзім жегенді Жекен тізімдеп отыр.
Пәк пейілді парықсызды,
Пайдакүнем пайдаланғыш.
Пысық, пасық, пайдагер,
Парақорды паналағыш.
Он бір - оның ағасындай,
Бес - алтының баласындай.
Омар көп шай ішіп жүр,
Құмар шөп шай ішіп жүр.
Ал Шынар
Бұл маңда жоқ шай ішіп жүр.
Оңғар Жоңғар туралы сұрады,
Оңғарға керегі Жоңғар туралы томдар.
Томдар болмаса Оңғар
Бәрін домбарлап, домдар...
Ол бір қыл шылбыр есті,
Бұл бір қыл шылбыр есті.
Ол да,
Бұл да
Қыл шылбырды тым сылбыр есті.
Ол да шылбыр есті,
Мен де шылбыр естім.
Ол шылбырды сылбыр есті,
Мен шылбырды ылдым-жылдым естім.
Ойбайлама, Орынбай,
«Ойбай» оғаш одағай.
Осы оғаш ойбайың,
Ойсыз олаң Ордадай.
Мұз мұзға ұқсас,
Тұз тұзға ұқсас,
Мұз да, тұз да ұқсас.
Моншақты тақты оншақты,
Оншақты болды моншақты.
Мен бақшаның қарбызын жинадым,
Алмагүл алма үзіп жинады,
Жоламан таудың жалбызын жинады.
Маса жүрді ызылдап,
Маса қаны бұзылды-ақ...
Бір уақта шекесі
Қоя берді дызылдап.
«Латышқа бар қатыстығым,
Айтамын, - деп - латыш тілін»,
Айта алмай шатысты інім.
Қырда екі кекілік жетіліп келеді,
Екі кекілік секіріп-кекіріп келеді.
Қылқиып бала арыңтады,
Шалдығып шал арықтады.
Көздері аларып тағы...
Қорада мал арықтады.
Қызыл сиялы қалам сенде,
Көк сиялы қалам менде.
Қызыл сиялы ол алты теңге,
Көк сиялысы ол жарты теңге.
Құман от ңасында,
Жүген ат басында.
От басынан құманды алыс тастасын ба?
Ат басынан жүгенін ап, ноқта салсын ба?
Құлын-тай шығады,
Тай-құнан шығады.
Кейде тай
Құнанға сай шығады!
Құлақтандырмағандықтарыңыздан
Бара алмай қалдық бәріміз де аңға.
Қойым семіз бе?
Ешкім семіз бе?
Қойым тоғыз ба?
Ешкім сегіз бе?
Қойбағар тойға бармай, қойға барды,
Тойбағар қойға бармай, тойға барды.
Қасқыр - ит,
Тісін ақситты.
Жақсы ит тісін ақситпады.
Қаршыға ма,
Құмай ма?
Әнші балаға қаршыға ұнай ма?
Малшы балаға құмай ұнай ма?
Қарашы қиырға,
Көрінген сиыр ма?
Ұқсай ма сиырға,
Ұқсай ма суырға,
Айыру қиын ба?
Қараңдаршы қанағатты!
Қара лақты қамамапты.
Қамқорлықпен қарамапты,
Қаңғыртыпты қаралақты.
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі