Жаңылтпаштар жинағы – 3-бет
Айбар асығып жүр,
Айдар ашығып жүр.
Айбар асығып жүріп,
Ашығып қалмасын!
Айдар асығып та,
Ашығып та қалмасын!
– Сатыбалды кеше неше дәптер сатып алды?
Сатыбалды кеше неше кептер атып алды?
– Сатыбалды кеше көп дәптер сатып алды,
Сатыбалды кеше көк кептер атып алды.
Үш қыз да ұшқыш,
Ұшқыш та үш қыз.
Үш қыз – ұшқыш,
Ұшқыш – үш қыз.
Аманкелді майданнан аман келді,
Аманкелді май айына таман келді.
Шын айтты ма?
Сын айтты ма?
Шын айтса да,
Сын айтса да,
Шыны – сын,
Сыны – шын болсын!
Талап салақ-ты,
Оқымайды сабақты.
Самат талапты,
Жақсы оқиды сабақты.
Талап салақ-ты,
Самат талапты.
Асу, ашу, ас су, аз су:
Аз су, ас су, ашу, асу.
Көктемеде
Көк пе төбе?
Көк төбеде –
Көп бетеге,
Бетегеге
Көк жете ме?
Оралдан оралған олардан
Омаржан оң көріп,
Он бөрік,тор беріп, тон алған.
Бір топ тобыр
Опыр топыр
Көпірде отыр,
Жиналған көп нөпір
Не деп отыр?
«Аты – көпір,
Көпірде көпір»
Деп кеп отыр.
Іздеп ек бір-бір құр,
Қу екен құр құрғыр.
Таптырмай қырдан құр,
Қайттық біз құрдан-құр.
Ізге түсті Ізмұрат,
Ізмұратты біз бірақ,
Іздеп-іздеп таппадық,
Ізім-қайым қызық-ақ.
Ісшіл іссізбен келіспейді,
Істі іссізден тез істейді.
Іске іскер,
Істі іскер істер.
Ысқан ұстаз – ұстаз ұста,
Үш ұстаға ұстаз ұста,
Үш ұстаға жасы тұстас ұста.
«Ыбырай, Ыбырайдың шымыры-ай!
Денесі де тым ірі-ай!»
Мақтап жүрген Ыбырай,
Мысықтан қорқып зымырай,
Берер зымырай.
Ши тоқыдым шиеден,
Теңіз кештім түйемен,
Күйме жасап инеден,
Үй тұрғыздым түймеден.
Шәйімнің шәй шайнегі мосыдан түспес,
Мосыдан түссе, ащы деп ішпес,
Ащы деп ішсе, ыссы деп ішпес.
Шабысты ат,
Шалыс шаппас,
Шалыс шапса,
Алыс шаппас.
Шошыттың үш құсты,
Шошынып үш құс ұшты.
Шабдар атты
Шет көрмейді,
Шалабай,
Шауып бірақ,
Шөп бермейді,
Шалағай.
Шаңқ-шаңқ етіп шағала,
Шабақ ілер жағада.
Шарқ айналар,
Қайралар,
Пышақ қайралар
Көңіл жайланар.
Шұнақ құлақ лақ
Бұлаққа барды.
Бұлақ жағасындағы
Құраққа барды.
Шапшаң
Шапсаң,
Бұрқырайды
Ақ шаң.
Шұңғыл, шұңқыр.
Шұңқыр, шұңғыл.
Шалшық, балшық,
Балшық , шалшық,
Балшықтан ал шық.
Шырмауық шөп,
Шырмалып кеп
Талға жабысады.
Ошаған,
Тасадан
Малға жабысады.
Шалабай саба пісті,
Шамалап шала пісті.
Шалғы саптап,
Шөп шап.
Шөп шапсаң, көп шап.
Көп шапсаң, шапшаң шап,
Шапшаң шапсаң,
Шаршап жат.
Шәугімдегі шай қайнады ма?
«Шай қайнады!»– деп,
Шешем айқайлады ма?
Шеше, шеше,
Неше кесе
Сынды кеше?
Шалабай шыли шалағай,
Шалағай шыли Шалабай.
Шақша басы шарадай,
Шаладай шала Шалабай.
Шахматшы болсаң келе ғой,
Шоқанды қане, жеңе ғой.
Шапанымда сан қалтам бар,
Қай қалтамда сары малтам бар?
Малтам жалғыз, қалтам сансыз,
Тапқан алсын, малтам даусыз.
Шаш ал,
Қас алма.
Ас ал,
Қасарма!
Шемiшке шақсаң шақ,
Шапшаң шақ.
Шөбiңдi шапсаң шап,
Шапшаң шап.
Шүрегей сүңгiгiш пе,
Сүңгуiр сүңгiгiш пе?
Шөмеленбеген шөптi
Мен шөмелемей,
Кiм шөмелейдi.
Шiлiктi шаптым,
Жiлiктi астым.
Шiлiктi жақтым,
Жiлiктi шақтым.
Шымдай шытырмыш,
Ол шытырмышты
Мен шым-шытырмыштамай
Кiм шым-шытырмыштайды?
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі