Жаңылтпаштар жинағы – 6-бет
Қалдың ба байқамай,
Озған қай тай,
Қалған қай тай?
Қақпаға оқтай тақтай қақпақ,
Қақпаға оқтай тақтай таппақ.
Қара бүркіт томағасын түсіреді,
Оны мен томағаламай,
Кім томағалайды?
Оны мен томағаламай,
Кім томағалайды?
Қырық құрықтық
Сырық қырықтық.
Қыс түсті, қыс қысты, құс ұшты,
Қыс түсті, қысқы істі, қыста істе.
Қыс қатты-ақ,
Қыспаққа-ап.
Құс тоңып жүр,
Қыстап қап.
Қарға, қарға, қарғалар,
Қар үстінде жорғалар.
Қара жерде қайық жүре ме,
Қара жердің қайығы түйе ме?
Қара майлы қарағайды,
Кесейін бе, кеспейін бе?
Қазықтағы қара тайды
Шешейін бе, шешпейін бе?
Қара қарғаларға
Ала қарғалар үйір.
Ала қарғаларға
Қара қарғалар үйір.
Қырық қызыл құйрық,
Қырық қыл құйрық.
Қырық қыл құйрық ішінде
Ылғи қызыл қыл құйрық.
Қызыл ала бұрау
Қырда қырау.
Қыста боран болар, қар болар,
Қыздар шәлі, орамалмен оранар.
Қаңбақ, жаңғақ, аң, шың, жең.
Жаңбыр, қайың, таң, тың, сең –
«ң»-нан сөз жоқ басталған,
«ң» үлестен құр қалған.
Құмда құйын ойнайды,
Құйын – қиын ойнайды.
Әр нәрсені іліп ойнайды.
Қырбық қар құрғақ па,
Құрғақ қар құрғақ па?
Қырбық қар да құрғақ,
Құрғақ қар да құрғақ.
Қаз маңғаз,
Маңғаз қаз.
Қанатты Болаттың
Аттандыра алмағандығы –
Көңілін Қанаттың
Қанағаттандыра алмағандығы.
Қамшының бүлдіргесін айтасың ба,
Әлде тау бүлдіргенін айтасың ба,
Нұржанның күлдіргенін айтасың ба,
Сотқардың бүлдіргенін айтасың ба.
Қаш, жүгір,
Шұғыл, тығыл.
Бүгіл, жығыл.
Қырсық қисықты,
Қисық қырсықты.
Қырсық құр қырсықты.
Қарағайсың қара майсың,
Қара майыңды жаламаймын
Қасыңа ендi жоламаймын.
Қамаштан көрiп қалашты,
Қалашқа Жарас таласты.
Бөлінсін десең қалаш тең,
Таласпа, Жарас, Қамашпен.
Қырда қырғилар құрға құлдилап ұшты,
Қырда құрлар құлдилап қырғидан ұшты.
Қабат-қабат үй салдық,
Үйлер толы күй сандық.
Күй сандықпен үй сәндi,
Күй сандыққа күй салдық.
Қырда қырау,
Қызыл ала бұзау.
Тауда тарғақ,
Тарғыл ала торпақ.
Құдағиға сақтаған сүр балқаймақ,
Ол балқаймақты мен жаламай кiм жаламақ?
Ол балқаймақты мен жаламай кiм жаламақ?
Қурайлының жерiнде,
Қоңыр айғырдың үйiрiнде,
Бурыл қулық құлындап жатыр,
Бурыл қулық құлындап жатыр.
Қай тайлақ лақтай,
Қай лақ тайлақтай?
Құрықтан құлдырап түстiм,
Сырықтан сылдырап түстiм.
Құнан қойды
Май қартайтар болар ма?
Май қартайтар болар ма?
Көк ешкі көп шөп жеді,
Көп шөп жегенде де көк шөп жеді.
Көк ешкі көп шөп жеді,
Көп шөп жегенде де көк шөп жеді.
Көп көкек,
Көкектеп,
Көктен келді.
Көкек кеп,
Көптеп кеп,
Көктем келді.
Көк тырна,
Көптырна.
Тыраулап тек,
Көп тұрма.
Кекілік-ау, кекілік,
Кетіп қалма секіріп.
Көк бұйра бір бұлақ,
Тіл қатар былдырап,
Тастарды ұрғылап.
Көк базарда күзде бәрі бар,
Барып бәрін, бәрін ал.
Көктем жауын-шашынсыз болмас,
Жауын-шашынсыз болмас,
Жасынсыз болмас.
Кеспе, өссін тал,
Өссе – өсімтал.
Өссе, өссін тал,
Кеспе, өссін тал.
Келген малшы
Әрі әнші,
Әрі аңшы.
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі