Ауылымды сағынып жүрмін
Ауылымды сағынып жүрмін — Сайыс2019 бөліміндегі материал.
Материал — bilim2019, ауыл, Қарасай Нұрбибі Жеңісханқызы — осы тақырыптарға байланысты.
Бүгін тағы да түс көрдім. Таңғы арай. Мейірім толы бір таныс өлке өз-өзіне шақырады. Танауымды қарып өткен таңғы салқын ауа мұнша жылы сезілетінін кім білген? Жағасында сайран салып, құмнан соғылған қалашықтың ханшайымы сезінетін арғы беті көкжиекпен астасқан өзіміздің тып-тынық көл жағасында келе жатырмын. Менің балалық бал дәуренімнің бар естелігін, шад-шадыман күлкімді қойнауына сақтап қатпарлы жар әжімді қарт секілді күліп қарайды. Аяғы әсте тайып сонау басынан төменге дейін сырғанап құлап, сонан соң рахаттана күлетін балапан қыздың бойжетіп, өзіменен бой жарыстырып тұрғанына таңырқап қарайтын секілді. Қораздың ку-ка-ре--ку-лап шақырған жағына бет алдым.
Көтерілген күнмен таласа оянып, ауыл адамдары шаруасына кірісіп кеткелі қашан. Қой-ешкілерді шетеннен шығарып, көршілерімен шүйіркелесіп атам жүр. Немерелері көрпесін тартып алып, әдеттегідей әжем тоңып оянса да, "Нұрболым" (мінезі ер баланыкындей деп ер баланың атымен атайтын) деп ерекше махаббатпен иіскеп, шелегін сөмке секілді қолына іліп, мөңіреген бұзауларды енесімен табыстыруға бет алады. Жеңгем қайнатқан самауырдың кернеуінен будақтата шығып, масаханада тәтті ұйқыда жатқандарды түтін түрткілеп оятуда. Үйдегілер бірінен соң бірі сап салқын сумен бетін шайып үлкен дастархан басына жиналады. Әжемнің өзі жасаған ірімшік-құрты, күбі пісіп кеше ғана жинаған майы, иісі мұрыныңды жаратын жаңа ғана шоққа піскен ыстық наны, самауырдың ызылы, бауырларымның ортасында еркелеп ішкен шайдың бәрі қандай рахат. Әлемнің небірі байлығымен таразыға қойсаң да дәл осы сәт ауырланып кез келген құнды затты да оңай еңсеріп, төмен басып жата беретін секілді. Атам әдетінше, шайды ұзақ баппен ішіп отырып, менің жайымды сұрап мейірлене:
- Құлыным, сабағың қалай? -деп сұраулы жүзін маған аударды. Дәл осы сәтте телефон қоңырауынан ояндым. Сағат 8:12 -ден кетіпті. Телефонды көтерсем анам екен. "Қызым, сені сағынып ояндым. Демалыста келіп кетсейші", - дейді. Анашым, қызыңыз да үйін, балалығын сағынып жүр...
Пікірлер (2)
Пікір қалдырыңыз
Ұқсас материалдар
- Толғандырған ҰБТ
- Жақсылық жасау әр адамның қолында
- Әкенің жақсысы жездедей-ақ
- Дәрігер болу үшін – жүректілік пен мейрімділік керек
- Біздің Тұңғыш Президент
- Туған өлке
- Абай және ХХІ ғасыр
- Кітап – менің ақылшы досым
- Ұлттық құндылық - ұлт болмысы
- Эссе және өлең-жыр байқауының апталық қорытындылары аяқталып, соңғы жеңімпаздар анықталды!
- Биязылық - ұлт құндылығы
- Ұлт бедеріндегі Әбіш Кекілбаев қолтаңбасы
- Бір ғасырлық күрес
- Адамзат құқығы мен бостандығы – ең қымбат құндылық!
- Денсаулық – баға жетпейтін жалғыз асыл дүние
Осы тақырыпқа қатысты басқа материалдар
Ауылымды сағынып жүрмін материалы Сайыс2019 бөліміне жатады. Осы тақырыпқа жақын жазбаларды бөлім, тег және автор сілтемелері арқылы табуға болады.
Жиі қойылатын сұрақтар
Ауылымды сағынып жүрмін деген не?
Бұл бетте Ауылымды сағынып жүрмін тақырыбы бойынша негізгі материал берілген.
Бұл мақала қай бөлімге жатады?
Бұл материал Сайыс2019 бөліміне жатады.
Осы тақырыпқа ұқсас материалдарды қайдан табуға болады?
Ұқсас материалдарды осы беттегі тегтер, бөлім сілтемелері және төмендегі қатысты мақалалар арқылы көруге болады.
Sss
Ote keremet jazilgan Awil jayli mende oz awilimdi sagindim