Әкеме
- 1
- 12
Сонымен құладың ба, тас қамалым,
Қалмады күйініштен басқа амалым.
Зиратың аяқ асты болмасын деп,
Бұзылған қорғанымнан тас қаладым.
Қиын не бар?..
Мың құбылған қуаныштан, дерттерден,Қиын не бар, адам жанын зерттеуден?
Мен келемін өз жанымды зерттеумен,
Бірде аяз, бірде жалын, өрт кеудем.
Арзан не бар ойнау менен күлуден,
Қымбат не бар, адам сырын білуден?
Мен әуремін, өз сырымды білумен,
Кеше бұзып, өкінемін бүгін мен,
Жылдарымды еске аламын бүлінген.
Адамдардың жаны менен жүрегін,
Ойлайтын ем, бір кісідей білемін...
Ажырата алмай шуақ, түнегін,
Танығанға мәз болыппын іреңін.
Ертең басқа, бүгін жақсы көргенім,
Өз көзіме өзім,
Ғажап!
Сенбедім.
Кесерткідей ауыстырған ендерін,
Түсінбеймін қылығына пенденің.
Жылдар бойы бірге жүріп, бір күлген,
Жақыныңның жат боларын кім білген.
Адамдарды зерттей алмай жүрмін мен,
Оны зерттеу мүмкін емес, білдім мен...
Пікірлер (3)
Пікір қалдырыңыз
Өмір жайлы
- 2
- 47
Өмір жайлы сұрай берме сен менен,
Өмірді мен әлі зерттеп көрмеп ем.
Өмір жайлы білгің келсе, қартқа бар,
Қан майданнан жалғыз ұлы келмеген.
Дейтін еді қарт ақын
- 1
- 6
«Қырғи жолдас бола алмайды кептермен,
Себебі ол кептер етін жеп көрген.
Қой қоралас бола алмайды қасқырмен,
Қасқырдан ол көресіні көп көрген.
Қарап көріңіз
Басқа да жазбалар
Пікірлер
-
Канагат
Күшті -
Шұғыла
өте қызықты -
Улдана
Отте кушты -
Макс
Керемеет
Мадина
Өте ƏДЕМІ өлеңдер
Гүлбақыт Бисембаева
Осы бір өлеңнің соңғы шумағындағы ...Жылдар бойы бірге жүріп бір күлген, жақыныңның жат боларын кім білген деген ұйқасы қазіргі өмірдің бет бейнесі. Жақыннан асқан жау жоқ, бауырдан артық дұшпан жоқ болып барады. Мойындау ауыр, ащы, жаныңды ауыртып барады бірақ шырылдаған шындық осы. Аспанға атыл, көкке шаншыл аласұр сыртқа тістеніп білдіртпесең де іштей мойындайсың...әттең ай, пиғыл тарылып, зымияндық кеңейді, көңіл азайып, мысқыл көбейді...адамнан адамгершіліктің ауылы ел асып көшіп кеткен заман болды ғой...
Алмас
Қиын не бар?..