Тышқан мен мысық
Тышқан мен мысық — Қазақша ертегілер (1000+) бөліміндегі материал.
Материал — тышқан, мысық, ертегі, жануарлар туралы — осы тақырыптарға байланысты.
Мысық пен тышқан дос болыпты. Бір күні екі дос келе жатып, бір құмыра май тауып алыпты.
Мысық білгірсініп:
— Құмырадағы майды қыста жейік, – деп, шұңқыр қазып, көміп тастапты. Күндер өте береді. Қыс келеді. Аяз қысып, қарны ашып жатқан мысықтың есіне өзі көміп қойған құмырадағы май түсіпті. Енді мысық сылтауратып:
— Тышқан, менің апам ұл тауыпты, соған той жасайды екен, мені шақырып кетті, – дейді де кетіп қалады. Сонан соң құмырадағы майдың төбесін ғана ойып жеп қайтады. Алдынан тышқан шығады.
— Бөбектің атын кім қойдыңдар? – деп сұрайды.
— Төбелше қойдық, – дейді мысық.
Келесі күні мысықтың тағы да қарны ашады. Құмырадағы май есіне түседі. Тышқанға келіп:
— Менің тағы бір апам ұл тауыпты, тойға шақыртыпты, барайын, – деп, кетіп қалған мысық майды орталай жеп алады. Тышқан тағы да алдынан шығады.
— Е, бөбектің атын кім қойдыңдар? – деп сұрайды.
— Белдемше қойдық, – дей салады мысық. Бірнеше күннен кейін мысықтың тағы да қарны ашып, құмырадағы майға бармақ болып, тышқанға келеді:
— Менің тағы бір апам бар еді, сол ұл тапқан екен, шақыртыпты, – деп, кетіп қалады. Мысық құмырадағы майдың қалғанын жеп келе жатады. Алдынан тышқан шығады:
— Е, бөбектің атын кім қойдыңдар? – деп сұрайды.
— Қалдықша қойдық, – дейді мысық.
Бір күні қысқы аяз қысады. Далаға шығуға дәттері шыдамайды. Тышқан мен мысықтың қарны ашады, ашыға бастайды. Сол кезде тышқанның есіне өздері тығып қойған құмырадағы май түсіп, мысыққа айтады.
Мысық пен тышқан көмген майларына келсе, құмырадағы майдың жұғыны да қалмапты. Сонда тышқан:
— Ім-м... білдім, білдім, – дейді ренжіп, – сен үш рет үйден шығып кетіп едің. Бірінші келгенде, төбесін жеп, Төбелше, екіншісінде ортасын жеп, Белдемше, үшіншісінде қалғанын жеп, Қалдықша дедің ғой, ә? – дейді.
Өз қулығын тышқан біліп қойған соң, дойыр мысық ашуға булығып, тышқанды бас салып талайды. Тышқан бір тесікке кіріп кетіп әрең құтылады. Мысық пен тышқанның достығы сонымен біткен екен.
Пікірлер (5)
Пікір қалдырыңыз
Ұқсас материалдар
- Кішкентай Батыр мен жолбарыс
- Жалмауыз кемпірді алдаған қыздар
- Мыстан кемпірдің жұмбағы
- Гензель мен Гретель
- Жалмауыз кемпірдің қатері
- Жалмауыз кемпір мен бала дос
- Жалмауыз кемпір мен адал жан
- Жалмауыз кемпір мен жас батыр
- Жалмауыз кемпір мен Ержанның хикаясы
- Жалмауыз кемпірдің кеңесі
- Жалмауыз кемпірдің жұлдызды құстары
- Достықтың дәрмені
- Ешкі мен қоянның достығы
- Ешкі мен асқабақ
- Батылдық пен шеберлік: құстардың досы
Жиі қойылатын сұрақтар
Тышқан мен мысық деген не?
Бұл бетте Тышқан мен мысық тақырыбы бойынша негізгі материал берілген.
Бұл мақала қай бөлімге жатады?
Бұл материал Қазақша ертегілер (1000+) бөліміне жатады.
Осы тақырыпқа ұқсас материалдарды қайдан табуға болады?
Ұқсас материалдарды осы беттегі тегтер, бөлім сілтемелері және төмендегі қатысты материалдар арқылы көруге болады.
Осы тақырыпқа қатысты басқа материалдар
Тышқан мен мысық материалы Қазақша ертегілер (1000+) бөліміне жатады. Осы тақырыпқа жақын жазбаларды бөлім, тег және автор сілтемелері арқылы табуға болады.
Бауыржан
Мысық маладес
Айда
Менің пікірім мысық тың дұрыс емес өтірік айтуға болмайтынын білу керек еді
Али
Агылшынша перевод
Маржан
Накыл создер ертегынын ышындегы
Дариға
қызық ертегі